Thank You Movie: ఆ సమయంలో నాకు కన్నీళ్లు తెప్పించింది.. రాశీఖన్నాపై డైరెక్టర్ ఆసక్తికర కామెంట్స్..
ఇప్పటికే విడుదలైన టీజర్, ట్రైలర్ సినిమాపై మరింత క్యూరియాసిటీని పెంచేశాయి. ప్రముఖ నిర్మాత దిల్రాజు
యువసామ్రాట్ అక్కినేని నాగచైతన్య (Naga Chaitanya), రాశీఖన్నా జంటగా నటించిన చిత్రం థాంక్యూ (Thank You). డైరెక్టర్ విక్రమ్ కె. కుమార్ తెరకెక్కించిన ఈ సినిమాలో చైతూ మరింత స్టైలీష్గా కనిపిస్తున్నాడు. ఇప్పటికే విడుదలైన టీజర్, ట్రైలర్ సినిమాపై మరింత క్యూరియాసిటీని పెంచేశాయి. ప్రముఖ నిర్మాత దిల్రాజు ప్రొడక్షన్ అసోసియేషన్ విత్ ఆదిత్య మ్యూజిక్ కాంబినేషన్తో శ్రీమతి అనిత సమర్పణలో శ్రీ వెంకటేశ్వర క్రియేషన్స్ బ్యానర్పై దిల్రాజు, శిరీష్ నిర్మిస్తోన్న ఈ సినిమా ఇప్పటికే షూటింగ్ పూర్తిచేసుకుని జూలై 22న ప్రేక్షకుల ముందుకు రాబోతుంది. ఈ క్రమంలోనే ఇటీవల డైరెక్టర్ విక్రమ్ కె. కుమార్ హీరోయిన్ రాశీ ఖన్నాపై ఇంట్రెస్టింగ్ కామెంట్స్ చేశారు.
డైరెక్టర్ విక్రమ్ కె. కుమార్ మాట్లాడుతూ.. ” రాశీ ఖన్నా పాత్ర.. అభిరామ్ జర్నీలో చాలా కీలకమని చెప్పాలి. అభిరామ్ పాత్రను కథకు కనెక్ట్ అయ్యేలా చేసే పాత్ర ఆమెది. అందులో ఆమె నటించిన ఓ సీన్ ఉంటుంది. దాన్ని ఆమె ఎక్సలెంట్గా చేసింది. దాన్ని నేను మానిటర్లో చూసినప్పుడు నా కళ్లల్లోనూ నీళ్లు తిరిగాయి. మాళవికా నాయర్ అద్భుతమైన నటి. ఆమె చేయాల్సినన్ని సినిమాలు చేయలేదనే చెప్పాలి. ఈ సినిమా తర్వాత తనకు నటిగా ఇంపార్టెన్స్ మరింతగా పెరుగుతుంది. అవికా గోర్ గురించి ప్రత్యేకంగా చెప్పనవసరం లేదు. ఆమె చిన్నప్పటి నుంచే నటిగా మెప్పిస్తోంది” అంటూ చెప్పుకొచ్చారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.