Baby Movie: టీజర్ వస్తోంది చూడు జంబలకడి జారు మిఠయా.. నువ్వు చూడకుంటే ఒప్పుకోను మొగ్గలకలింగో..

Baby Teaser

జంబలకడి జారు మిఠయా… ఇప్పుడు ఎక్కడా చూసిన ఇదే సాంగ్. కొద్దిరోజులుగా సోషల్ మీడియాను ఉపేస్తున్న పాట ఇది. మంచు విష్ణు ప్రధాన పాత్రలో తెరకెక్కిన జిన్నా మూవీ ప్రీ రిలీజ్ ఈవెంట్ లో చిత్తూరు జిల్లాకు చెందిన ఓ మహిళ ఈ సాంగ్ పాడింది. అయితే ఆమె పాడిన పాటను నెట్టింట ట్రోల్ చేయడంతో ఎక్కువగా పాపులర్ అయ్యింది. తాజాగా ఆ పాపులారిటీని క్యాష్ చేసుకుంటున్నారు దర్శకనిర్మాత సాయి రాజేష్. హృదయ కాలేయం.. కొబ్బరిమట్ట వంటి సినిమాలను నిర్మించిన ఆయన.. ఇటీవల కలర్ ఫోటో సినిమాతో జాతీయ అవార్డ్ సొంతం చేసుకున్నారు. ఇప్పుడు ఆయన దర్శకత్వంలో వస్తోన్న చిత్రం బేబీ. ఈ మూవీలో యంగ్ హీరో ఆనంద్ దేవరకొండ ప్రధాన పాత్రలో నటిస్తుండగా.. విరాజ్ అశ్విన్, వైష్ణవి చైతన్య కీలకపాత్రలలో నటించారు.

షూటింగ్ కంప్లీట్ చేసుకుని ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ సినిమా టీజర్ సోమవారం సాయంత్రం విడుదలైంది. అయితే ఈ సినిమా టీజర్ ప్రమోట్ చేయడానికి జంబలకడి జారు మిఠయా సాంగ్ పాడిన మహిళను రంగంలోకి దించారు. “బేబీ టీజర్ వస్తుంది చూడు.. ఒక్కసారి చూశావంటే మళ్లీ మళ్లీ చూస్తావు చూడు జంబలకడి జారు మిఠాయా..నువ్వు చూడకుంటే ఒప్పుకోను మొగ్గలకలింగో జంబలకడి జారు మిఠాయా.. మన చిన్న కొండ తోపు దమ్ముంటే ఆపు.. బీబే టీజర్ చూశావంటే ఊపేస్తవు చూడు జంకలకడి జారు మిఠాయా” అంటూ ఆమె పాడిన పాటతో బేబీ టీజర్ ప్రమోట్ చేస్తున్నారు.

ప్రస్తుతం ఈ వీడియో నెట్టింట తెగ వైరలవుతుంది. అయితే సోషల్ మీడియాలో ఎక్కువగా ట్రోల్స్ జరిగిన పాటనే.. తమ సినిమా ప్రమోషన్ కోసం వాడుకుంటున్న బేబీ చిత్రయూనిట్ ఐడియాను తెగ పొగుడుతున్నారు నెటిజన్స్.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.