Aha: ఆహాలో రాబోతున్న మరో ఫ్యామిలీ ఎంటర్టైనర్.. ఇంటింటి రామాయణం స్ట్రీమింగ్ ఎప్పుడంటే..
ఈ సినిమాను సురేష్‌ నారెడ్ల తెరకెక్కించగా.. సితారా ఎంటర్టైన్మెంట్స్ బ్యానర్ పై నిర్మించారు. ఈ సినిమా ఇప్పుడు ఆహాలో అలరించేందుకు సిద్ధమైంది.
నరేష్, రాహుల్ రామకృష్ణ, నవ్యస్వామి, గంగవ్వ, బిత్తిరి సత్తి ప్రధాన పాత్రలలో నటించిన లేటేస్ట్ చిత్రం ఇంటింటి రామాయణం. ఈ సినిమాను సురేష్‌ నారెడ్ల తెరకెక్కించగా.. సితారా ఎంటర్టైన్మెంట్స్ బ్యానర్ పై నిర్మించారు. ఈ సినిమా ఇప్పుడు ఆహాలో అలరించేందుకు సిద్ధమైంది. ప్రస్తుతం తెలుగు ఓటీటీ రంగంలో అగ్రగామిగా ఉన్న ఆహా ప్రేక్షకుల ముందుకు ఎప్పటికప్పుడు సరికొత్త కంటెంట్ తీసుకువస్తుంది. అదే ఇంటింటి రామాయణం. ఈ చిత్రం ఆహాలో డిసెంబర్‌లో 16 స్ట్రీమింగ్ కానుంది. నవంబర్ 21న ఈ సినిమాకు సంబంధించిన పోస్టర్‌ను విడుదల చేసారు.
మధ్య తరగతి కుటుంబాల్లో సహజంగా జరిగే సంఘటనల నేపథ్యంలో ఈ చిత్రాన్ని తెరకెక్కించారు. కరీంనగర్ ప్రాంతంలో నివసించే రాములు (నరేష్) కుటుంబం ఓ సమస్యల్లో చిక్కుకుంటుంది. దీంతో కుటుంబ సభ్యుల్లోనే ఒకరిపై మరొకరికి అనుమానాలు పుట్టుకొస్తాయి. దీంతో వారిలో దాగి ఉన్న అసలు రూపాలన్నీ బయటకు వస్తాయి.
ఓటీటీలోకి ఇలా తొలిసారిగా ఎంట్రీ ఇస్తుండటంపై సితారా ఎంటర్టైన్మెంట్స్ అధినేత సూర్యదేవర నాగవంశీ మాట్లాడుతూ, “ఈ సినిమాలో ఎంతో మంది మంచి నటులున్నారు. ఎంతో గొప్ప టీం పని చేసింది. ప్రతీ ఒక్కరూ ఈ సినిమా బాగా రావాలని కష్టపడ్డారు. ఆహాలో రాబోతోన్న మా ఈ చిత్రం ఇంటింటి రామాయణం అందరికీ ఎల్లప్పుడూ గుర్తుండిపోయేలా ఉంటుంది. మానవ బంధాలు, సంబంధాలు, జీవిత గుణపాఠాలు ఇలా అన్నింటిని ఈ చిత్రంలో చూపించాం. అంతా మనకు తెలిసిన ప్రపంచంలానే ఉంటుంది. కానీ కొత్తగా ఉంటుంది.” అన్నారు.
