Salaar Movie: ప్రభాస్ కోసం ప్రశాంత్ నీల్ భారీ ప్లాన్.. ఇంటర్వెల్ సిక్వెన్స్ కోసం ఎన్ని కోట్లు ఖర్చు పెడుతున్నారో తెలుసా..

డైరెక్టర్ ప్రశాంత్ నీల్ (Prashanth Neel) ప్రస్తుతం కేజీఎఫ్ 2 సక్సెస్ ఎంజాయ్ చేస్తున్నారు. కన్నడ రాకింగ్ స్టార్ యశ్ ప్రధాన పాత్రలో నటించిన ఈ సినిమా బాక్సాఫీస్ వద్ద కలెక్షన్ల సునామీ సృష్టిస్తోంది. దక్షిణాదిలోనే కాకుండా ఉత్తరాదిలోనూ ఈ సినిమా రికార్డ్స్ క్రియేట్ చేస్తుంది. ఇక కేజీఎఫ్ 2 సంచలన విజయం తర్వాత.. ఇప్పుడు ప్రభాస్ ఫ్యాన్స్ తమ హీరోను డైరెక్టర్ ఎలా చూపించబోతున్నారో అంటూ ఎదురుచూస్తున్నారు. ప్రస్తుతం ప్రశాంత్ నీల్, ప్రభాస్ కాంబోలో తెరకెక్కుతున్న సినిమా సలార్. ఈ సినిమాపై భారీగానే అంచనాలున్నాయి. బొగ్గు గనుల నేపథ్యంలో పూర్తి యాక్షన్ థ్రిల్లర్ గా నిర్మిస్తోన్న ఈ మూవీలో ప్రభాస్ సరసన శ్రుతి హాసన్ హీరోయిన్ గా నటిస్తోంది. ప్రస్తుతం ఈ మూవీ షూటింగ్ శరవేగంగా జరుగుతుంది. తాజాగా ఈ సినిమాకు సంబంధించిన ఓ ఇంట్రెస్టింగ్ అప్డేట్ నెట్టింట్లో చక్కర్లు కొడుతుంది.

లేటేస్ట్ సమాచారం ప్రకారం.. ఈ సినిమాలోని ఇంటర్వెల్ సీక్వెన్స్ ఓ లోయలో జరుగుతుందట. అండర్ గ్రౌండ్ లో తెరకెక్కించే సన్నివేశాలు చూస్తే ఒళ్లు గగుర్బొడిచేలా ఉంటాయని అలాగే లోయలోనే ఛేజింగ్ సన్నివేశాలు కూడా ఉన్నాయట. అంటే హాలీవుడ్ స్థాయిలో సన్నివేశాలు ఉంటాయని.. ఇక ప్రీ క్లైమాక్స్ లో వచ్చే ఓ యాక్షన్ సీక్వెన్స్ కోసం ఏకంగా రూ. 20 కోట్లు ఖర్చు పెడుతున్నట్లు టాక్ నడుస్తోంది. ప్రస్తుతం ఈ ఈ సినిమా తదుపరి షెడ్యూల్‏కు సిద్ధమవుతున్నారట మేకర్స్. మే మొదటివారంలో తదుపరి షెడ్యూల్ షూటింగ్ ప్రారంభం కానుందని.. ప్రస్తుతం టాకీ పార్ట్ పూర్తి చేసి.. వేసవి తర్వాత యాక్షన్ సీన్స్ చేయనున్నారట. ఇదిలా ఉంటే.. ఈ సినిమాలతోపాటు.. ప్రభాస్.. ఆదిపురుష్, స్పిరిట్, ప్రాజెక్ట్ కే చిత్రాల్లో నటిస్తున్న సంగతి తెలిసిందే.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.

Also Read: Chinni Trailer: వైలెంట్ పాత్రలో అదగొట్టేసిన కీర్తి సురేష్.. ఆకట్టుకుంటున్న చిన్ని ట్రైలర్..

Suma Kanakala: విడాకుల రూమర్లపై స్పందించిన యాంకర్ సుమ.. ఏమన్నదంటే..

Megastar Chiranjeevi: సిద్ధ పాత్ర రామ్ చరణ్ చేయకపోతే పవన్ కళ్యాణ్ బెస్ట్.. మెగాస్టార్ చిరంజీవి కామెంట్స్ వైరల్..