Vikram Movie: విక్రమ్ సినిమాలో సూర్య లుక్ చూశారా ?.. పోస్టర్ రిలీజ్ చేసిన డైరెక్టర్..

విశ్వనటుడు కమల్ హాసన్ ప్రధాన పాత్రలో డైరెక్టర్ లోకేష్ కనగరాజ్ తెరకెక్కిస్తున్న సినిమా విక్రమ్ (Vikram). ఇందులో విజయ్ సేతుపతి, ఫహద్ ఫాజిల్ కీలకపాత్రలలో నటిస్తుండడంతో సినిమాపై అంచనాలు మరింత పెరిగాయి. ఇప్పటికే విడుదలైన మూవీ ట్రైలర్స్, పోస్టర్స్ సినిమాపై మరింత క్యూరియాసిటీని పెంచేసాయి. అన్ని కార్యక్రమాలు పూర్తిచేసుకున్న ఈ సినిమా జూన్ 3న ప్రేక్షకుల ముందుకు రాబోతుంది. ఈ సినిమాలో తమిళ్ స్టార్ హీరో సూర్య అతిథి పాత్రలో నటిస్తున్న సంగతి తెలిసిందే. తాజాగా ఈ మూవీ ప్రమోషన్లలో భాగంగా హీరో సూర్య లుక్ పోస్టర్ రిలీజ్ చేశారు మేకర్స్. అయితే ఇందులో సూర్య పాత్ర ఏంటీ అనేది మాత్రం రివీల్ చేయలేదు.

తాజాగా విడుదలైన పోస్టర్ లో సూర్య వెనక వైపు నుంచి సీరియస్ గా చూస్తున్నట్లుగా కనిపిస్తోంది. కేవలం సూర్య కళ్లు మాత్రమే కనిపించేలా.. పూర్తి ఫోటో రిలీజ్ చేయలేదు. ఈ సినిమాలో సూర్య నటించడం సంతోషంగా ఉందని తెలిపారు డైరెక్టర్ లోకేష్. కమల్ హాసన్ హీరోగానే కాకుండా రాజ్ కమల్ ఫిల్మ్స్ ఇంటర్నేషనల్ బ్యానర్‌పై ఆర్ మహేంద్రన్‌తో కలిసి ఈ చిత్రాన్ని నిర్మించారు. ప్రధాన తారణంతో పాటు కాళిదాస్ జయరామ్, నరైన్, అర్జున్ దాస్, శివాని నారాయణన్ కూడా ఇతర కీలక పాత్రల్లో నటిస్తున్నారు. . ఈ చిత్రానికి అనిరుధ్ రవిచందర్ సంగీతం అందిస్తుండగా, గిరీష్ గంగాధరన్ సినిమాటోగ్రాఫర్ గా, ఫిలోమిన్ రాజ్ ఎడిటర్ గా పని చేస్తున్నారు.

Thank you soo much @Suriya_offl sir ✨for this ?#VikramFromJune3 pic.twitter.com/brKJBe5n3G

— Lokesh Kanagaraj (@Dir_Lokesh) June 1, 2022