Tillu Square: టిల్లు, లిల్లి.. మధ్యలో తెలుగమ్మాయి.. టిల్లు స్క్వేర్ సినిమాలో ఆ హీరోయిన్‍ను గమనించారా ?..

యంగ్ హీరో సిద్ధూ జొన్నలగడ్డ, అనుపమ పరమేశ్వరన్ జంటగా నటించిన సినిమా టిల్లు స్క్వేర్. గతంలో సూపర్ హిట్ అయిన డీజే టిల్లు చిత్రానికి ఇది సీక్వెల్. డైరెక్టర్ మల్లిక్ రామ్ దర్శకత్వం వహించిన ఈ మూవీ మార్చి 29న భారీ అంచనాల మధ్య రిలీజ్ అయ్యింది. మొదటి రోజే హిట్ టాక్ అందుకుని భారీ వసూళ్లు రాబడుతూ దూసుకుపోతుంది. శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్ట్యూన్ ఫోర్ సినిమాస్ బ్యానర్స్ పై ఈ చిత్రాన్ని నిర్మించారు. ఫస్ట్ డే ఏకంగా రూ. 23 కోట్లకుపైగా కలెక్షన్స్ రాబట్టింది. అలాగే శని, ఆది వారాల్లో టిల్లు స్క్వేర్ సినిమాకు మరిన్ని వసూళ్లు పెరిగే అవకాశం ఉంది. ఇందులో అనుపమ పరమేశ్వరన్ గ్లామరస్ లుక్స్‏లో కనిపించి అభిమానులకు షాకిచ్చింది.

ఇన్నాళ్లు ట్రెడిషనల్ బ్యూటీగా కనిపించిన అనుపమ… ఈ మూవీలో మాత్రం హద్దులు చేరిపేసింది. దీంతో టిల్లు స్క్వేర్ విడుదలకు ముందు ఆమెపై తీవ్రస్థాయిలో విమర్శలు వచ్చాయి. కానీ టిల్లు స్క్వేర్ రిలీజ్ అనంతరం అనుపమ పోషించిన పాత్రపై పాజిటివ్ టాక్ వస్తుంది. ఇందులో అనుపమతోపాటు మరో ఇద్దరు హీరోయిన్స్ కూడా కనిపించిన సంగతి తెలిసిందే. డీజే టిల్లు సినిమాలో రాధిక పాత్రలో కనిపించిన నేహా శెట్టి.. ఈ మూవీలో గెస్ట్ అప్పీరియన్స్ ఇచ్చింది. దీంతో మరోసారి బిగ్ స్ర్కీన్ పై రాధికను చూసిన ఫ్యాన్స్ థియేటర్లలో రచ్చ చేశారు. ఫస్ట్ పార్టులో రాధిక పాత్రలో కనిపించిన నేహా.. ఇందులోనూ మరోసారి రాధిక పాత్రలోనే కనిపించింది. టిల్లుతో రాధికను చూడగానే థియేటర్లలో అరుపులు, విజిల్స్ తో నానా హడావిడి చేశారు అడియన్స్.

View this post on Instagram

A post shared by Neha Sshetty (@iamnehashetty)

ఇక ఈ సినిమాల అనుపమ, నేహా శేట్టి కాకుండా మరో హీరోయిన్ కూడా గెస్ట్ అప్పీరియన్స్ ఇచ్చింది. తనే తెలుగమ్మాయి ప్రియాంక జవాల్కర్. ట్యాక్సీవాలా, ఎస్ఆర్. కళ్యాణమండపం సినిమాలతో హిట్స్ అందుకున్న ప్రియాంక ఆ తర్వాత అవకాశాలు తగ్గడం సైలెంట్ అయ్యింది. ఇన్ స్టాలో యాక్టివ్ గా ఉంటూ ఫోటోస్ షేర్ చేస్తుంది. ఇక ఇప్పుడు సడెన్‏గా టిల్లు స్క్వేర్ చిత్రం గెస్ట్ రోల్ పోషించింది. దీంతో ఇప్పుడు ప్రియాంక టిల్లు స్క్వేర్ యూనివర్స్ లో భాగమైందని.. ఇకపై తనకు మరిన్ని ఆఫర్స్ రావడం ఖాయమని అంటున్నారు. మరీ చూడాలి తెలుగులో ప్రియాంకకు ఆఫర్స్ వస్తాయేమో.

View this post on Instagram

A post shared by Priyanka Jawalkar (@jawalkar)

మరిన్ని సినిమా వార్తల కోసం ఇక్కడ క్లిక్ చేయండి.