Devi Sri Prasad: దేవి శ్రీ ప్రసాద్ షాకింగ్ కామెంట్స్.. మండిపడుతున్న నెటిజన్స్.. అసలు విషయం ఏంటంటే..
తెలుగు చిత్రపరిశ్రమలో ప్రస్తుతం ఉన్న మ్యూజిక్ డైరెక్టర్లలో దేవీ శ్రీ ప్రసాద్ ఒకరు. మాస్ సినిమాలకే కాకుండా.. క్లాస్ సినిమాలకు అద్భుతమైన సంగీతాన్ని
తెలుగు చిత్రపరిశ్రమలో ప్రస్తుతం ఉన్న మ్యూజిక్ డైరెక్టర్లలో దేవీ శ్రీ ప్రసాద్ ఒకరు. మాస్ సినిమాలకే కాకుండా.. క్లాస్ సినిమాలకు అద్భుతమైన సంగీతాన్ని అందించి ప్రేక్షకుల మెప్పు పొందాడు. ఇప్పటివరకు టాలీవుడ్ ఇండస్ట్రీలోనే అనేక సూపర్ హిట్ చిత్రాలకు బాణీలు కట్టారు. అయితే ఎంతో ఫాలోయింగ్ ఉన్న దేవీ శ్రీప్రసాద్. గత కొద్ది రోజులుగా వివాదాస్పద కామెంట్స్ చేస్తూ చిక్కుల్లో పడుతున్నారు. గతంలోనే దేవుళ్లపై వివాదాస్పద కామెంట్స్ చేసిన దేవీశ్రీ ప్రసాద్.. మరోసారి నోరు జారాడు. మాల ధారణను అమ్మాయిలతో ముడిపెట్టాడు. మీరు స్వామి మాల, మురుగన్ మాల వేసుకుంటూ పోతుంటారు.. మేము షీలా, మాల, సీతా గీతా అంటూ వెళ్తుంటామంటూ మరో కాంట్రవర్సీకి తెరతీశాడు. ఆడవాళ్లు మీకు జోహార్లు అనే సినిమా ప్రీరిలీజ్ ఈవెంట్లో డైరెక్టర్ తిరుమల కిషోర్ని ఉద్దేశించి ఈ వ్యాఖ్యలు చేశాడు దేవి.
మంచి మంచి పాటలిచ్చాడు. అన్ని రకాల జానర్లలో ట్యూన్స్ చేశాడు. కాని ఈ నోటి దురుసేంటి? నోటికి ఎంతమాట వస్తే అంత అనేయడమేనా? గతంలోనూ దేవుళ్లపై ఇలాంటి మాటలే విసిరాడు. ఊ అంటావా పాటకి .. భక్తి గీతానికి లింక్ పెడుతూ ఓ పాట అందుకున్నాడు. దేవిశ్రీ ప్రసాద్ ఫస్ట్ మూవీయే దేవి. ఓ భక్తి సినిమాతోనే ప్రస్తానం మొదలుపెట్టాడు డీఎస్పీ. ఆతర్వాత అంచలంచెలుగా ఎదిగాడు. ఎన్నో హిట్ ఆల్బమ్స్ ఇచ్చాడు. కాని మూలాలను మర్చిపోయాడు. ఆనాడు దేవి చేయకపోతే తన లైఫే వేరేలా ఉండేదని తెలుసా? అని అభిమానులు ప్రశ్నిస్తున్నారు.
ప్రతీ ఏటా కొన్ని లక్షలమంది స్వామిమాల ధరించి.. ఎంతో పవిత్రంగా దీక్షలు చేసి.. శబరి వెళ్లి విరుముడులు ఇచ్చుకుని వస్తుంటారు. అయ్యప్ప మాలే కాదు.. మురుగన్మాల, సాయిబాబా మాల, ఆంజనేయస్వామి మాల, వెంకన్న మాల ఇలా చాలా రకాల భక్తిమాలలున్నాయి. హిందూ సాంప్రదాయంలో ఎంతో పవిత్రంగా భావిస్తుంటారు. అలాంటి మాల ధారణపై ఇలాంటి వ్యాఖ్యలేమిటి దేవీ అంటున్నారు ఫ్యాన్స్. పుష్ప సినిమా మాట వివాదం సమయంలో ఎన్నో హిందూ సంఘాలు మండిపడ్డాయి. గోషామహల్ ఎమ్మెల్యే రాజాసింగ్ కూడా దేవీశ్రీప్రసాద్పై మండిపడ్డారు. తన తప్పును తెలుసుకుని దేవిశ్రీ ప్రసాద్ క్షమాపణలు చెప్పాలని… లేకపోతే తెలంగాణ ప్రజలు చెప్పులతో కొట్టి తరిమికొడతారని అని వార్నింగ్ ఇచ్చారు.
Also Read: Radhe Shyam: ప్రభాస్ అభిమానులకు మరో సర్ప్రైజ్.. రాధేశ్యామ్ ప్రమోషన్స్ షూరు అయ్యేది అప్పుడే..
Samantha: రష్యా దాడులపై స్పందించి నటి సమంత.. ఉక్రెయిన్ అధ్యక్షుడిపై ఇంట్రెస్టింగ్ కామెంట్స్.