Kondapolam: కొండపొలం నుంచి మరో సాంగ్ రిలీజ్.. ఆకట్టుకుంటున్న దారులు దారులు లిరిక్స్..
మెగా యంగ్ హీరో వైష్ణవ్ తేజ్.. రకుల్ ప్రీత్ సింగ్ హీరోహీరోయిన్లుగా నటిస్తున్న సినిమా కొండపొలం. ఈ చిత్రానికి క్రిష్ దర్శకత్వం వహిస్తుండగా..
Updated on: Oct 03, 2021 | 9:27 AM
మెగా యంగ్ హీరో వైష్ణవ్ తేజ్.. రకుల్ ప్రీత్ సింగ్ హీరోహీరోయిన్లుగా నటిస్తున్న సినిమా కొండపొలం. ఈ చిత్రానికి క్రిష్ దర్శకత్వం వహిస్తుండగా.. ఫస్ట్ ఫ్రేమ్ ఎంటర్టైన్మెంట్ బ్యానర్ పై సాయిబాబు జాగర్లమూడి, రాజీవ్ రెడ్డి సంయుక్తంగా నిర్మిస్తున్నారు. సన్నపురెడ్డి వెంకట రామిరెడ్డి రాసిన ‘కొండపొలం’ నవల ఆధారంగా ఈ సినిమా రూపొందుతోంది. ఇప్పటికే షూటింగ్ పూర్తిచేసుకుని సెన్సార్ కార్యక్రమాలను సైతం పూర్తిచేసుకున్న ఈ మూవీని అక్టోబర్ 8న విడుదల చేయనున్నారు. ఈ నేపథ్యంలో ఈ సినిమా ప్రమోషన్స్ వేగవంతం చేశారు మేకర్స్. ఇప్పటికే ఈ మూవీ నుంచి విడుదలైన పోస్టర్స్, సాంగ్స్ ప్రేక్షకులను తెగ ఆకట్టుకున్నాయి.
తాజాగా ఈ సినిమా నుంచి దారులు దారులు అనే లిరికల్ సాంగ్ విడుదల చేశారు మేకర్స్. దారులు దారులు దారులు.. పులి చారలు చారలు చారలు.. సాగాక తప్పని దారులు.. ఏ జాడని తీరులు.. మెతుకుని వేతికే ఆశల మూరలు బతుకుని కోరికే ఆకలి కోరలు… చావో రేవో తేలెవరకు ఆగకన్న పోలిమేరలు… అంటూ సాగే ఈ పాట శ్రోతలను ఆకట్టుకుంటుంది. బతకడం చేసే పోరాటం నేపథ్యంలో ఈ సాంగ్ సాగినట్టుగా తెలుస్తోంది. ఈ ఈ పాటకు ఎంఎం కీరవాణీ బాణీలు అందించగా.. సిరివెన్నెల సీతరామశాస్త్రి రచించారు. ఈపాటను ఎంఎం కీరవాణి, హరిక నారాయణ్ ఆలపించారు. ఇటీవల విడుదలైన ఈ మూవీ ట్రైలర్ ప్రేక్షకులను ఆకట్టుకుంది. ఇందులో గొర్రెల కాపరిగా వైష్ణవ్ తేజ్ కనిపిస్తారు.
వీడియో..
Bigg Boss 5 Telugu: బిగ్బాస్ ట్విస్ట్ మాములుగా లేదు.. ఈరోజు ఎలిమినేట్ అయ్యేది ఆ కంటెస్టెంటే..
