దర్బార్ కలెక్షన్స్..తలైవా ఏకచ్ఛత్రాధిపత్యం

సూపర్ స్టార్ రజనీకాంత్ దర్బార్‌ చిత్రంతో అదరగొడుతున్నాడు. ఈ సంక్రాంతి కానుకగా వచ్చిన ఈ సినిమా బాక్సాఫీస్ వద్ద దుమ్మురేపుతోంది. గతంలో వచ్చిన ‘కాలా’ ‘పేట’ సినిమాలు ట్రైలర్లు సినిమాలపై అమాంతం అంచనాలు పెంచాయి. కానీ ట్రైలర్స్ ఉన్నంత స్థాయిలో సినిమాలో కంటెంట్ లేకపోవడంతో ఫ్యాన్స్ తీవ్రంగా నిరాశ చెందారు. అందుకే ఈ సారి డైరెక్టర్ మురగదాస్ దర్బార్  రజనీ ఫ్యాన్స్‌కు ఫుల్ మీల్స్ అందించాడు.

వింటేజ్ లుక్‌లో రజనీ లుక్స్, మేనరిజమ్స్ సాధారణ ఆడియెన్స్‌ను సైతం సర్‌ప్రైజ్ చేశాయి. అక్కడక్కడ నెగటీవ్ కామెంట్స్ వినిపించినా..మొత్తానికి బొమ్మ ఈ పొంగల్‌ రేస్ తొలి బ్లాక్ బాస్టర్‌గా నిలిచింది. ఇక రజనీ సినిమాకు హిట్ టాక్‌ వస్తే కలెక్షన్స్ ఏ రేంజ్‌లో ఉంటాయో ప్రత్యేకంగా చెప్పాలా..?. బాక్సాఫీస్ దగ్గర సింహనాదం చేస్తున్నాడు తలైవా. పోటీగా ప్రస్తుతం సినిమాలేవీ లేకపోవడంతో సౌత్ అంతా సాలిడ్ ప్రదర్శన ఇస్తున్నాడు. తొలిరోజు దర్బార్ యావరేజ్‌గా రూ. 50 కోట్ల వసూళ్లు సాధించినట్టు ట్రేడ్ రిపోర్ట్ అందుతోంది. కేవలం తమిళనాడులోనే రూ. 25 కోట్ల కలెక్షన్లు రాబట్టినట్టు తెలుస్తోంది. ఓవర్సీస్‌లో కూడా మ్యాజిక్ చేస్తోన్న సూపర్‌స్టార్..తెలుగు రాష్ట్రాల్లో తొలి రోజు రూ. 4.40 కోట్ల షేర్ రాబట్టినట్టు ట్రేడ్ విశ్లేషకులు అంచనా వేస్తోన్నారు.