Godfather Song : దుమ్మురేపిన బాస్.. గాడ్ ఫాదర్ సెకండ్ సాంగ్ వచ్చేసింది..
ఇప్పటికే విడుదలైన ఈ సినిమా పోస్టర్లు , టీజర్ సినిమా పై అంచనాలను పెంచేసాయి. ఇక థక్కర్ మార్ సాంగ్ ప్రేక్షకులను ఉర్రుతలూగించింది.
Updated on: Sep 27, 2022 | 6:17 PM
టాలీవుడ్ ను షేక్ చేయడానికి రెడీ అవుతున్న బాస్.. వరుస సినిమాలను లైనప్ చేసిన మెగాస్టార్ ఆయా షూటింగ్స్ తో ఫుల్ బిజీగా ఉన్నారు. ఈ క్రమంలో ముందు గాడ్ ఫాదర్ సినిమాను ప్రేక్షకుల ముందుకు తీసుకురానున్నారు. మలయాళ సూపర్ హిట్ లూసిఫర్ సినిమాకు రీమేక్ గా ఈ సినిమా తెరకెక్కుతోంది. ఇప్పటికే షూటింగ్ కంప్లీట్ చేసుకున్న ఈ మూవీ పోస్ట్ ప్రొడక్షన్ పనుల్లో బిజీగా ఉంది. ఇక ఈ సినిమాలో బాలీవుడ్ కండల వీరుడు సల్మాన్ ఖాన్ కీలక పాత్రలో కనిపించనున్నాడు. అలాగే మెగాస్టార్, సల్మాన్ కలిసి ఒక పాటల్లోనూ స్టెప్పులేసి అలరించనున్నారు. ఇప్పటికే విడుదలైన ఈ సినిమా పోస్టర్లు , టీజర్ సినిమా పై అంచనాలను పెంచేసాయి. ఇక థక్కర్ మార్ సాంగ్ ప్రేక్షకులను ఉర్రుతలూగించింది. ఎన్వీ ప్రసాద్ – ఆర్ బి చౌదరి నిర్మించిన ఈ సినిమాకి తమన్ సంగీతాన్ని సమకూర్చాడు. రీసెంట్ గా ఈ సినిమా సెన్సార్ పనులను పూర్తి చేసుకుంది. అక్టోబర్ 5వ తేదీన ప్రేక్షకులను పలకరించడానికి రెడీ అవుతోంది. ఈ నేపథ్యంలో ఈ సినిమా నుంచి వదులుతున్న మెగాస్టార్ పోస్టర్లు అంతకంతకూ అంచనాలు పెంచుతున్నాయి ఇక ఈ సినిమాలో లేడీ సూపర్ స్టార్ నయన తార చిరంజీవి సిస్టర్ పాత్రలో నటిస్తున్న విషయం తెలిసిందే
తాజాగా ఈ సినిమానుంచి మరో సాంగ్ ను రిలీజ్ చేశారు. నజభజ అంటూ సాగే ఈ సాంగ్ అదిరిపోయిందనే చెప్పాలి. సినిమా రిలీజ్ కంటే ముందే.. తన బాసిజాన్ని.. తన క్రేజ్ను మరో సారి అందరికీ దిమ్మతిరిగేలా రేంజ్లో చూపించబోతున్నారు మెగాస్టార్. అనంతపురాన్ని తన అడ్దాగా మార్చుకుని.. గాడ్ ఫాదర్ పేరును మారుమోగించనున్నారు. చిరు మోస్ట అవేటెడ్ ఫిల్మ్ గాడ్ ఫాదర్ ప్రీ రిలీజ్ ఈవెంట్ను సెప్టంబర్ 28న అనంతపూర్లో నిర్వహించనున్నారు మేకర్స్ . ఇక ఇప్పటికే అనంతపూర్ లోని గవర్నమెంట్ ఆర్ట్స్ కాలేజీ గ్రౌండ్లో ఏర్పాట్లు కూడా మొదలెట్టేశారు.. ఈ సినిమానే కాకుండా.. భోళా శంకర్, వాల్తేరు వీరయ్య చిత్రాల్లోనూ చిరు నటిస్తున్నారు. ప్రస్తుతం ఈ రెండు సినిమాలు శరవేగంగా షూటింగ్ జరుపుకుంటున్నాయి.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
