Bigg Boss 5 Telugu: బిగ్‌బాస్‌ టాప్ 5 కంటెస్టెంట్స్ రెమ్యునరేషన్ ఎంతో తెలుసా.. ఎవరికి ఎక్కువ అంటే..
బిగ్‌బాస్‌ సీజన్ 5 తెలుగు రియాల్టీ షో ముగిసింది. ఆదివారం సాయంత్రం గ్రాండ్గా అంగరంగ వైభవంగా జరిగింది. 19 మందితో
Updated on: Dec 20, 2021 | 12:23 PM
బిగ్‌బాస్‌ సీజన్ 5 తెలుగు రియాల్టీ షో ముగిసింది. ఆదివారం సాయంత్రం గ్రాండ్గా అంగరంగ వైభవంగా జరిగింది. 19 మందితో మొదలైన ఈ షోలో చివరకు సన్నీ, శ్రీరామ్, మానస్, సిరి, షణ్ముఖ్ టాప్ 5 కంటెస్టెంట్స్గా మిగిలారు. ఇందులో షణ్ముఖ్ రన్నరప్ గా నిలవగా.. వీజే సన్నీ బిగ్‌బాస్‌ సీజన్ 5 విజేతగా నిలిచారు.
అయితే ఇప్పుడు సోషల్ మీడియాలో వీజే సన్నీ హావా కొనసాగుతుంది. సన్నీకి సంబంధించిన రేర్ ఫోటోస్ నెట్టింట్లో వైరల్ అవుతున్నాయి. ఇక బిగ్‌బాస్‌ ఇంట్లో పటాకాగా పేరు తెచ్చుకున్న సిరి ఈ షో ద్వారా రెమ్యునరేషన్ బాగానే అందుకున్నట్లుగా టాక్. వెబ్ సిరీస్, సీరియళ్ల ద్వారా ఎక్కువగా పాపులారిటీ సొంతం చేసుకున్న సిరి.. వారానికి రూ. లక్షన్నర వరకు అందుకున్నట్లుగా సమాచారం. అంటే.. పదిహేను వారాలకు గానూ.. సుమారు పాతిక లక్షల వరకు పారితోషికం అందుకున్నట్లు తెలుస్తోంది.
ఇక నాల్గవ స్థానానికి పరిమితమైన మానస్ కూడా ఈ షోలో ఎక్కువగానే రెమ్యూనరేషన్ అందుకున్నట్లుగా తెలుస్తోంది. తన ఆటతీరుతో తెలుగు ప్రజలను మనసును దొచుకున్నాడు మానస్. ఈ షో ద్వారా వారానికి లక్ష నుంచి లక్షన్నర వరకు రెమ్యునరేషన్ అందుకున్నాడట. అంటే పదిహేనువారాలకు సుమారు రూ. 20 లక్షల వరకు అందుకోనున్నట్లుగా టాక్.
అలాగే మూడో స్థానంలో నిలిచిన సింగర్ శ్రీరామచంద్ర కూడా రెమ్యునరేషన్ ఎక్కువగానే తీసుకున్నట్లుగా సమాచారం. ఇండియన్ ఐడల్ విజేతగా నిలిచి ఎంతో పాపులారిటీని అందుకున్నాడు శ్రీరామచంద్ర. అలాగే బిగ్‌బాస్‌ తొలి పైనలిస్ట్గా ఎంట్రీ ఇచ్చిన శ్రీరామచంద్ర వారానికి లక్షన్నర తీసుకున్నాడట.
ఇక యూట్యూబ్లో వెబ్ సిరీస్, షార్ట్ ఫిలింస్ చేస్తూ మంచి గుర్తింపు సంపాదించుకున్నాడు షణ్ముఖ్ జస్వంత్. సాఫ్ట్ వేర్ డెవలపర్ వెబ్ సిరీస్తో షణ్ముఖ్ క్రేజ్ ఒక్కసారిగా మారిపోయింది. ఈ సిరీస్తో షన్నూ ఫాలోయింగ్ అమాంతం పెరిగిపోయింది. ఇక అదే క్రేజ్తో బిగ్ బాస్ ఇంట్లోకి అడుగుపెట్టాడు షణ్ముఖ్. మిగతా కంటెస్టెంట్లతో పోలీస్తే.. షన్నూ వారానికి రూ. 2 లక్షల వరకు తీసుకున్నట్లుగా టాక్ వినిపిస్తోంది.
ఇక చివరగా బిగ్ బాస్ విజేతగా నిలిచిన వీజే సన్నీ.. అలియాస్ అరుణ్ రెడ్డి.. జర్నలిస్ట్గా కెరీర్ ఆరంభించి కళ్యాణ వైభోగం సీరియల్ ద్వారా బుల్లితెర ప్రేక్షకులకు దగ్గరయ్యాడు. ఇందులో జై పాత్ర ద్వారా పాపులారిటీని సంపాదించుకున్నాడు సన్నీ. ఇక బిగ్ బాస్ సీజన్ 5 విజేతగా నిలిచి రెండు రాష్ట్రాల ప్రజల మనసులను దొచుకున్నారు. అయితే సన్నీ బిగ్ బాస్ సీజన్ 5లో వారానికి రెండు లక్షలు తీసుకున్నట్లుగా టాక్. అంటే 15 వారాల్లో రూ 30 లక్షలు సంపాదించినట్లుగా టాక్ నడుస్తోంది.
Bigg Boss 5 Telugu Winner: విన్నర్ ఎవరో ముందే చెప్పేసిన రోల్ రైడా.. అందరూ షాక్..
