Anushka: కరోనా బాధితుల్లో ధైర్యం నింపే ప్రయత్నం చేస్తోన్న జేజమ్మ.. ఇన్స్టాగ్రామ్లో స్వీటీ పాజిటివ్ పోస్ట్..
Anushka Instagram: కరోనా మహమ్మారి దేశాన్ని భయాందోళనకు గురి చేస్తోంది. ఏ వార్త పత్రికా చూసినా, ఏ న్యూస్ ఛానల్ ట్యూన్ చేసినా కరోనాకు సంబంధించిన వార్తలే దర్శనమిస్తున్నాయి. మరణాలు సంఖ్య, పెరుగుతోన్న కేసుల వివరాలు..
Updated on: May 08, 2021 | 5:57 AM
Anushka Instagram: కరోనా మహమ్మారి దేశాన్ని భయాందోళనకు గురి చేస్తోంది. ఏ వార్త పత్రికా చూసినా, ఏ న్యూస్ ఛానల్ ట్యూన్ చేసినా కరోనాకు సంబంధించిన వార్తలే దర్శనమిస్తున్నాయి. మరణాలు సంఖ్య, పెరుగుతోన్న కేసుల వివరాలు ఇలా అన్ని భయాందోళనకు గురిచేసే అంశాలే. ఇలాంటి విపత్కర పరిస్థితుల్లో ప్రతీ ఒక్కరూ కాస్త సానుకూల దృక్ఫథంతో స్పందించాల్సిన అవసరం ఎంతైనా ఉంది. ఈ క్రమంలోనే కొందరు సెలబ్రిటీలు సోషల్ మీడియా వేదికగా పాజిటివ్ పోస్ట్లు చేస్తూ కరోనా బాధితుల్లో ధైర్యం నింపే ప్రయత్నం చేస్తున్నారు. తాజాగా ఈ జాబితాలో అందాల తార అనుష్క వచ్చి చేరారు. ఇన్స్టాగ్రామ్ వేదికగా ఓ ఆసక్తికరమైన పోస్ట్ చేశారు. కరోనా సంక్షోభాన్ని ఎదుర్కొనే సమయంలో అందరిలో ధైర్యాన్నినింపుతూ.. ‘ఈ విపత్కర సమయం నుంచి బయటపడడానికి ప్రతీ ఒక్కరూ వారి శక్తి మేర ప్రయత్నం చేస్తున్నారు. ఇలాంటి పరిస్థితుల్లో ఒకరి సహాయం మరొకరి ఎంతగానో అవసరముంది కాబట్టి ఐక్యమత్యంతో ఒకరికి ఒకరం సహాయపడదాం. ఈ సమయంలో అందరూ క్షేమంగా ఉండడానికి తగిన జాగ్రత్తలు పాటించాలని కోరుకుంటున్నాను. ఎవరికి వారు ఇంట్లో స్వీయ నిర్బంధంతో ఉండండి.. మీకు కావాల్సిన వారి కోసం దూరంగా ఉంటూనే సమయాన్ని కేటాయించండి. కరోనా భయాన్ని పొగోట్టుకోవడానికి శ్వాస సంబంధిత వ్యాయామాలు చేయండి. సానుకూల దృక్పథం పెంచే పనులు చేయండి. అందరం కలిస్తే ఇలాంటి మహమ్మారిని జయించడం కష్టమేమి కాదు’ అంటూ సుధీర్ఘంగా రాసుకొచ్చారు స్వీటీ. ఎక్కడ చూసినా నెగిటివ్ వార్తలు వస్తోన్న వేళ అనుష్క చెప్పిన ఈ పాజిటివ్ మాటలు చాలా బాగున్నాయి కదూ..
అనుష్క ఇన్స్టాగ్రామ్ పోస్ట్..
View this post on Instagram
Viral: ఈ ఫోటోలోని టాలీవుడ్ యంగ్ హీరోను గుర్తు పట్టగలరా.? ఎక్కడో చూసినట్లు ఉంది కదూ.!
Adipurush: మకాం మార్చిన ఆదిపురుష్ టీం.. ఇక పై షూటింగ్ అంతా అక్కడే.. అసలు కారణం అదే..
