Maharshi Movie : మహేష్ ‘మహర్షి’ ఖాతాలో మరో అవార్డు.. బెస్ట్ యాక్టర్‌గా మరోసారి సూపర్ స్టార్..

సూపర్ స్టార్ మహేష్ బాబు నటించిన మహర్షి సినిమా భారీ విజయాన్ని దక్కించుకున్న విషయం తెలిసిందే. వంశీ పైడిపల్లి దర్శకత్వం వహించిన ఈ సినిమాలో పూజాహెగ్డే హీరోయిన్‌గా నటించింది.

Mahesh Babu

Rajeev Rayala |

Updated on: Sep 18, 2021 | 10:33 AM

Maharshi Movie : సూపర్ స్టార్ మహేష్ బాబు నటించిన మహర్షి సినిమా భారీ విజయాన్ని దక్కించుకున్న విషయం తెలిసిందే. వంశీ పైడిపల్లి దర్శకత్వం వహించిన ఈ సినిమాలో పూజాహెగ్డే హీరోయిన్‌గా నటించింది. ఈ సినిమాలో స్టూడెంట్‌గా బిజినెస్ మాన్‌గా నటించి ఆకట్టుకున్నారు మహేష్. ఇక ఈ సినిమా అనేక రికార్డ్స్ క్రియేట్ చేయడమేకాదు ఎన్నో అవార్డ్స్‌ను తన ఖాతాలో వేసుకుంది. 2019 మే 9న ప్రేక్షకుల ముందుకు వచ్చిన ఈ సినిమాలో గ్రామీణ వ్యవస్థ .. వ్యవసాయం చుట్టూ తిరుగుతుంది. ఈ సినిమా నేషనల్ అవార్డును కూడా సొంతం చేసుకుంది. మహర్షి సినిమాలో అల్లరి నరేష్ కీలక పాత్రలో (మహేష్ స్నేహితుడిగా) నటించి మెప్పించారు. స్నేహితుడి ఆశయాన్ని గౌరవించడం… దానికోసం హీరో తన సుఖాలను పక్కన పెట్టి పోరాడటం అనే కథాంశంతో తెరకెక్కిన ఈ సినిమా ప్రతి ప్రేక్షకుడిని ఆకట్టుకుంది.

ఇక ప్రముఖ దిన పత్రిక ఎక్స్ లెన్స్ అవార్డ్స్ ఫంక్షన్ హైదరాబాద్‌లో ఘనంగా జరిగింది. ఈ కార్యక్రమానికి సినిమా పెద్దఎత్తున తారలు హాజరయ్యారు. ఇక కార్యక్రమంలో ‘మహర్షి’ సినిమాకి వివిధ కేటగిరీలలో మూడు అవార్డులు లభించడం విశేషం. హీరో మహేశ్ బాబుకి బెస్ట్ యాక్టర్ అవార్డు దక్కింది. అలాగే బెస్ట్ డైరెక్టర్ అవార్డును వంశీ పైడిపల్లి సొంతం చేసుకున్నారు. ఇక బెస్ట్ ఫిల్మ్ అవార్డును నిర్మాత ‘దిల్’ రాజు అందుకున్నారు. ఇక ఈ ఫంక్షన్లో మహేష్ బాబు సూపర్ స్టైలిష్ లుక్‌లో కనిపించి ఆకట్టుకున్నారు. మహేష్ ప్రస్తుతం సర్కారు వారి పాట సినిమాలో నటిస్తున్నారు. పరశురామ్ దర్శకతంలో తెరకెక్కుతున్న ఈ సినిమాలో కీర్తిసురేష్ హీరోయిన్ గా నటిస్తుంది .

మరిన్ని ఇక్కడ చదవండి

Bigg Boss 5 Telugu: బెస్ట్ పర్ఫామర్‏గా నటరాజ్ మాస్టర్.. వరస్ట్ పర్ఫామర్‏గా ఆ కంటెస్టెంట్.. సీన్ రివర్స్ అయ్యిందిగా..