Anasuya: పార్ట్ వన్‌లో డోస్ సరిపోలేదు.. రెండో పార్ట్‌లో ఆడుకుంటా.. : అనసూయ

సుకుమార్ దర్శకత్వంలో అల్లు అర్జున్ హీరోగా నటించిన పుష్ప సినిమా సంచలన విజయం దిశగా అడుగులు వేస్తోంది. ఇప్పటికే ఈ సినిమా బ్లాక్ బస్టర్ టాక్ ను సొంతం చేసుకుంది.

Ansuya

Rajeev Rayala |
Updated on: Dec 23, 2021 | 9:38 AM

Pushpa: సుకుమార్ దర్శకత్వంలో అల్లు అర్జున్ హీరోగా నటించిన పుష్ప సినిమా సంచలన విజయం దిశగా అడుగులు వేస్తోంది. ఇప్పటికే ఈ సినిమా బ్లాక్ బస్టర్ టాక్ ను సొంతం చేసుకుంది. గంధపు చెక్కల నేపథ్యంలో సాగె ఈ సినిమాలో బన్నీ ఊర మాస్ క్యారెక్టర్ ల్లో కనిపించి ఆకట్టుకున్నారు. ఇక రీసెంట్ గా తిరుపతి శ్రీ వెంకటేశ్వర యూనివర్సిటీ స్టేడియంలో అభిమానుల కోలాహలం మధ్య ఈ సినిమా సక్సెస్ పార్టీ జరిగింది. ఇక పుష్ప సినిమాలో దాక్షాయణి పాత్రలో అద్భుతంగా నటించి ప్రేక్షకులకు ప్రశంసల వర్షం కురిపించేలా చేసింది అన్నారు అనసూయ భరద్వాజ్. అనసూయ పాత్రకు విమర్శకుల ప్రశంసలు దక్కుతున్నాయి.

తాజాగా పుష్ప సక్సెస్ పార్టీలో అనసూయ మాట్లాడుతూ.. ‘ సినిమా ఇంత అద్భుతమైన విజయం సాధించినందుకు ఎంతో సంతోషంగా ఉంది అని అన్నారు. అల్లు అర్జున్ మేకోవర్ నేను ఊహించలేదు.. ఆయన ఒక అద్భుతం.. ఒక క్యారెక్టర్ కోసం ఇంతగా మారిపోవడం ఆయనకు మాత్రమే సాధ్యం అవుతుందని అన్నారు. నా జీవితంలో మీరు చాలా కీలక పాత్ర పోషించారు అల్లు అర్జున్ గారు. మీరంటే నాకు చాలా ఇష్టం.. కేవలం తెలుగులో మాత్రమే కాకుండా అన్ని చోట్ల ఈ సినిమాకు వస్తున్న రెస్పాన్స్ చూసి ఆనందంగా ఉంది. సుకుమార్ గారి గురించి ఏం చెప్పాలి.. ఆయన నాకు గురువు.. నటిగానే కాకుండా వ్యక్తిగతంగా కూడా మీరు నాకు ఇచ్చిన సపోర్ట్ ఎప్పటికీ మర్చిపోలేను. సినిమాలో దాక్షాయని పాత్ర డోస్ సరిపోలేదు అని అభిమానులు చెబుతున్నారు. రెండో భాగం ఆడుకుంటాను. ఇలాంటి సినిమా నిర్మించాలంటే కేవలం మైత్రి మూవీ మేకర్స్ కు మాత్రమే సాధ్యమవుతుంది. వాళ్లకు ఉన్న డెడికేషన్ అలాంటిది. నాకు ఈ అవకాశం ఇచ్చిన సుకుమార్ గారికి, అల్లు అర్జున్ గారికి, మైత్రి మూవీ మేకర్స్ కు ధన్యవాదాలు..’ అని చెప్పుకొచ్చింది. ఇక పుష్ప సినిమాలో అనసూయ నెగిటివ్ రోల్ లో నటించి మెప్పించారు.

మరిన్ని ఇక్కడ చదవండి :