Pushpa Movie: అల్లు అర్జున్ అభిమానులకు బ్యాడ్ న్యూస్.. పుష్ప సక్సెస్ మీట్ క్యాన్సిల్.. ఎందుకంటే..

ఐకాన్ స్టార్ అల్లు అర్జున్ నటించిన పుష్ప సినిమా థియేటర్లలో దూసుకుపోతుంది. క్రియేటివ్ డైరెక్టర్ సుకుమార్ తెరకెక్కించిన

Bunny

Ravi Kiran |
Updated on: Dec 24, 2021 | 2:11 PM

ఐకాన్ స్టార్ అల్లు అర్జున్ నటించిన పుష్ప సినిమా థియేటర్లలో దూసుకుపోతుంది. క్రియేటివ్ డైరెక్టర్ సుకుమార్ తెరకెక్కించిన ఈ సినిమా ప్రపంచవ్యాప్తంగా కలెక్షన్ల సునామీ సృష్టిస్తోంది. స్మగ్లర్ కమ్ లారీ డ్రైవర్ పుష్పరాజ్ పాత్రలో ఊర మాస్ లుక్‏లో బన్నీ అదరగొట్టాడు. అల్లు అర్జున్ సరసన రష్మిక మందన్నా హీరోయిన్‏గా నటించగా.. సునీల్, అనసూయ, మలయాళ నటుడు ఫహద్ ఫాజిల్ కీలక పాత్రలలో నటించారు. డిసెంబర్ 17న విడుదలైన ఈ సినిమా తాజాగా వందకోట్ల క్లబ్‏లో చేరిపోయింది. పుష్ప సక్సెస్ పార్టీని ఎంజాయ్ చేస్తోంది చిత్రయూనిట్. ఈ సందర్భంగా.. వరుసగా పలు ప్రాంతాల్లో పుష్ప సక్సెస్ పార్టీ నిర్వహిస్తూ అభిమానులకు కృతజ్ఞతలు తెలియజేస్తున్నారు మేకర్స్.

ఈ క్రమంలోనే ఈరోజు కాకినాడలో పుష్ప సక్సెస్ మీట్ నిర్వహించబోతున్నట్లు చిత్రయూనిట్ నిన్న ట్విట్టర్ వేదికగా ప్రకటించింది. ఇందుకు సంబంధించిన కార్యక్రమాలను కూడా దాదాపు పూర్తిచేసింది. అయితే పుష్ప సక్సెస్ మీట్ నిర్వహించేందుకు అనుమతులు రాకపోవడంతో ఆ సమావేశాన్ని రద్దు చేశారు. ఈ విషయాన్ని ప్రముఖ చిత్రనిర్మాణ సంస్థ మైత్రి మూవీ మేకర్స్ తన ట్విట్టర్ ఖాతా ద్వారా తెలియజేసింది. ఇదిలా ఉంటే.. పుష్ప సెకండ్ పార్ట్ పుష్ప ది రూల్ మూవీ వచ్చే ఏడాది ఫిబ్రవరి నుంచి షూటింగ్ ప్రారంభం కానుంది.

#PushpaTheRise MASSive Success Party in Kakinada today has been cancelled due to permission issues!

— Mythri Movie Makers (@MythriOfficial) December 24, 2021