Pushpa: తగ్గదే లే.. ఇప్పటికీ నెంబర్ వన్ ఆల్బమ్గా రాణిస్తోన్న ‘పుష్ప’
ఐకాన్ స్టార్ అల్లు అర్జున్ నటించిన పుష్ప సినిమా రికార్డుల గురించి ప్రత్యేకించి చెప్పాల్సిన అవసరం లేదు. క్రియేటివి డైరెక్టర్ సుకుమార్ తెరకెక్కించిన ఈ పాన్ ఇండియా సినిమా సంచలన విజయాన్ని అందుకుంది.
Updated on: Jul 13, 2022 | 6:10 AM
ఐకాన్ స్టార్ అల్లు అర్జున్(Allu Arjun)నటించిన పుష్ప(Pushpa) సినిమా రికార్డుల గురించి ప్రత్యేకించి చెప్పాల్సిన అవసరం లేదు. క్రియేటివి డైరెక్టర్ సుకుమార్ తెరకెక్కించిన ఈ పాన్ ఇండియా సినిమా సంచలన విజయాన్ని అందుకుంది. సుకుమార్ మ్యాజిక్.. అల్లు అర్జున్ యాక్టింగ్ సినిమాను నెక్స్ట్ లెవల్ కు తీసుకెళ్లాయి. ఎర్ర చందనం స్మగ్లింగ్ నేపథ్యంలో తెరకెక్కిన ఈ సినిమాలో అల్లు అర్జున్ మునుపెన్నడూ కనిపంచనంత ఊర మాస్ లుక్ లో కనిపించి మెప్పించాడు. బన్నీ సరసన రష్మిక మందన్న నటించిన ఈ సినిమా భారీ విజయాన్ని సొంతం చేసుకుంది. కరోనా కల్లోలం తర్వాత విడుదలై సంచనలన విజయం అందుకుంది. ఇక ఈ సినిమా రెండు భాగాలుగా తెరకెక్కనుందన్న విషయం తెలిసిందే. మొదటి పార్ట్ భారీ విజయం అందుకోవడంతో ఇప్పుడు సెకండ్ పార్ట్ పై సర్వత్రా ఆసక్తి నెలకొంది. ఇక పుష్ప సినిమాకు రాక్ స్టార్ దేవీశ్రీ ప్రసాద్ మ్యూజిక్ అందించిన విషయం తెలిసిందే.
పుష్ప సినిమాలోని పాటలన్ని మంచి హిట్స్ గా నిలిచాయి. విడుదలైన అన్ని భాషల్లోనూ ఈ పాటలు ఆకట్టుకున్నాయి. ముఖ్యంగా శ్రీవల్లి పాట విపరీతంగా ప్రేక్షకులను ఆకట్టుకుంది. అన్ని పాటలు యూట్యూబ్ లో సరికొత్త రికార్డులను సృష్టించాయి. ఇప్పటివరకు ఒకొక్క సినిమానుంచి ఒకొక్క పాట మాత్రమే రికార్డు స్థాయి వ్యూస్ ను సొంతం చేసుకునేది. కానీ పుష్ప సాంగ్స్ అన్ని న్యూ రికార్డులను తిరగ రాశాయి. గతంలో అల్లు అర్జున్ నటించిన అల వైకుంఠపురం లో సినిమాలోని పాటలు కూడా యూట్యూబ్ లో రికార్డులు క్రియేట్ చేశాయి. ఇప్పుడు పుష్ప ఆల్బమ్ యూట్యూబ్ లో నెంబర్ వన్ గా కంటిన్యూ అవుతోంది. పుష్ప సెకండ్ పార్ట్ కోసం కూడా దేవి శ్రీ ప్రసాద్ అదిరిపోయే విధంగా ట్యూన్స్ కంపోజ్ చేయడానికి సిద్ధమవుతున్నాడు.
