Pushpa : ఉర్రూతలూగిస్తోన్న సమంత స్పెషల్‌ సాంగ్‌.. షేక్‌ అవుతోన్న యూట్యూబ్‌ రికార్డ్స్‌..

Samantha Special Song: ప్రస్తుతం టాలీవుడ్‌లో ‘పుష్ప’ నడుస్తోంది. ఎక్కడ చూసినా ఈ సినిమా పాటలే సందడి చేస్తున్నాయి. ముఖ్యంగా సమంతా నటించిన ‘ఊ అంటావా మామా.. ఊహూ అంటావా’ పాటకు యూట్యూబ్‌ రికార్డులు బద్ధలవుతున్నాయి. మత్తు వాయిస్‏తో సాగే ఈ పాటకు సామ్‌ మాస్ స్టెప్పులతో అదరగొట్టింది. రాక్‌స్టార్‌ దేవీ శ్రీ ప్రసాద్ తన మాస్‌బీట్స్‌తో మరోసారి మాయచేయగా.. ఇక సింగర్ ఇంద్రావతి చౌహాన్ వాయిస్‌ స్పెషల్‌ అట్రాక్షన్‌గా నిలిచింది. తన హస్కీ వాయిస్‌తో ఈ పాటను నెక్ట్స్‌ లెవెల్‌కు తీసుకెళ్లిందీ ఫోక్‌ సింగర్‌. ఆమె మరెవరో కాదు ప్రముఖ సినీ నేపథ్య గాయని మంగ్లీ చెల్లెలు. విడుదలైన కొన్ని గంటల్లోనే యూట్యూబ్‌లో మిలియన్‌ వ్యూస్‌ దక్కించుకున్న ఈ పాటకు (తెలుగులో) ఇప్పటివరకు 3 కోట్లకు పైగా వ్యూస్‌ రావడం విశేషం. ఇక అన్ని భాషల్లో కలిపి 4.5 కోట్ల మంది ఈ పాటను వీక్షించారు. సుమారు 1.6 కోట్ల మంది లైకుల వర్షం కురిపించారు.

కాగా డిసెంబర్‌ 17న ప్రేక్షకుల ముందుకు రానున్న ఈ చిత్రంలో ఐకాన్‌ స్టార్‌ అల్లు అర్జున్‌ ‘పుష్పరాజ్‌’గా కనిపించనున్నాడు. అతని ప్రేయసి శ్రీవల్లి పాత్రలో రష్మిక మందన సందడి చేయనుంది. క్రియేటివ్‌ డైరెక్టర్‌ సుకుమార్‌ ఎర్రచందనం స్మగ్లింగ్‌ నేపథ్యంలో ఈ చిత్రాన్ని తెరకెక్కిస్తున్నారు. మైత్రి మూవీ మేకర్స్‌ నిర్మిస్తోన్న ఈచిత్రంలో అనసూయ, సునీల్‌, ఫాహద్‌ ఫాజిల్‌ తదితరులు ప్రధాన పాత్రలు పోషిస్తున్నారు.విడుదలకు ముందే ఎన్నో సంచలనాలు సృష్టిస్తోన్న ఈచిత్రం రిలీజ్‌ తర్వాత మరెన్ని రికార్డులు సృష్టిస్తుందో చూడాలి!

45M+ views with 1.6M+ Likes for the Record Breaking SIZZLING SONG OF THE YEAR ?https://t.co/HVvq96iyFN@alluarjun @iamRashmika @Samanthaprabhu2 @aryasukku @ThisIsDSP @adityamusic @TSeries @PushpaMovie #PushpaTheRise#PushpaTheRiseOnDec17 pic.twitter.com/xS58fe34wY

— Mythri Movie Makers (@MythriOfficial) December 15, 2021