Allu Arjun: స్నేహతో లవ్.. పెళ్లి విషయం ఎత్తగానే అల్లు అర్జున్ తల్లి మొదట ఏమన్నారో తెలుసా?

Allu Arjun Family

బాలయ్య అన్ స్టాపబుల్ టాక్ షో లో మరోసారి సందడి చేశాడు టాలీవుడ్ ఐకాన్ స్టార్ అల్లు అర్జున్. ఇప్పటికే గతంలో ఈ షోకు వచ్చిన బన్నీ మళ్లీ ఇప్పుడు సీజన్ లో అతిథిగా విచ్చేశాడు. అల్లు అర్జున్ తో పాటు అతని తల్లి నిర్మలమ్మ కూడా అన్ స్టాపబుల్ లో సందడి చేయడం విశేషం. ఈ సందర్భంగా తల్లీ కొడుకులిద్దరూ బాలయ్యతో బాగా ముచ్చట్లు పెట్టారు. ఎవరికీ తెలియని చాలా విషయాలను పంచుకున్నారు. ఇక బాలయ్య కూడా రకరకాల ప్రశ్నలతో అల్లు అర్జున్ ను ఇరుకున పెట్టే ప్రయత్నం చేశాడు. కానీ సమయస్ఫూర్తితో సమాధానాలు చెప్పి షోను రక్తి కట్టించాడు బన్నీ. ఇక ఇదే షోకు మరో గెస్టుగా వచ్చిన నిర్మల అల్లు అర్జున్ చిన్నప్పటి విషయాలు పంచుకున్నారు. అలాగే అల్లు అరవింద్ గురించి, అల్లు రామలింగయ్య గురించి కూడా మాట్లాడారు. ఈ క్రమంలో అల్లు అర్జున్ పెళ్లి ప్రస్తావన తీసుకువచ్చారు బాలయ్య. స్నేహతో ప్రేమ, పెళ్లి గురించి అల్లు అర్జున్ మొదట మీకు చెప్పాడా? చెప్తే మీరు ఏమన్నారు అని నిర్మలమ్మను అడిగాడు బాలయ్య.

దీనికి నిర్మలమ్మ ‘ ఒక రోజు నా దగ్గరకు వచ్చి అమ్మ నేనొకటి చెప్పాలి. నాకు ఒక అమ్మాయి అంటే ఇష్టం. ఆ అమ్మాయిని పెళ్లి చేసుకోవాలని అనుకుంటున్నాను’ అని చెప్పాడు. అప్పటికే బన్నీ హీరోగా గుర్తింపు తెచ్చుకున్నాడు. నీకు నిజంగా 100 శాతం ఆ అమ్మాయి ఇష్టం ఉంటే పెళ్లి చేసుకో అన్నాను’ అని చెప్పుకొచ్చారు నిర్మలమ్మ. కాగా అల్లు అర్జున్.. స్నేహ రెడ్డి కొన్నాళ్ళు ప్రేమించి పెద్దలను ఒప్పించి 2011 లో పెళ్లి చేసుకున్నారు. వీరికి ఇప్పుడు అయాన్, ఆద్య ఇద్దరు పిల్లలు ఉన్నారు.

అన్ స్టాపబుల్ షోలో బాలయ్యతో బన్నీ..

కాగా ఇదే అన్ స్టాపబుల్ షోలో అల్లు అర్జున్ పిల్లలు కూడా సందడి చేశాడు. అయితే వీరిద్దరి ముచ్చట్లు మరో ఎపిసోడ్ లో ఉండనుంది.

ఆహాలో ఫుల్ ఎపిసోడ్ స్ట్రీమింగ్..

మరిన్ని సినిమా వార్తల కోసం ఇక్కడ క్లిక్ చేయండి. చేయండి.