Allu Arjun: రెండుసార్లు భుజానికి సర్జరీలు జరిగాయి.. పుష్ప సమయంలో రోజూ అలా చేసేవాడిని.. అల్లు అర్జున్ కామెంట్స్ వైరల్..
స్టైలీష్ స్టార్ అల్లు అర్జున్ ప్రధాన పాత్రలో క్రియేటివ్ డైరెక్టర్ సుకుమార్ తెరకెక్కిస్తున్న చిత్రం పుష్ప. ఈ సినిమా కోసం బన్నీ
స్టైలీష్ స్టార్ అల్లు అర్జున్ ప్రధాన పాత్రలో క్రియేటివ్ డైరెక్టర్ సుకుమార్ తెరకెక్కిస్తున్న చిత్రం పుష్ప. ఈ సినిమా కోసం బన్నీ అభిమానులు ఎంతో ఆసక్తిగా ఎదురుచూస్తున్నారు. ఇప్పటికే ఈ మూవీ నుంచి విడుదలైన టీజర్, సాంగ్స్ నెట్టింట్లో రికార్డ్స్ సృష్టించాయి. ఇక ఇటీవల విడుదలైన ట్రైలర్ సినిమాపై మరిన్ని అంచనాలు పెంచేసింది. పుష్ప సినిమాలో మొదటిసారి బన్నీ ఢీగ్లామర్ లుక్లో కనిపించబోతుండడంతో ఈ మూవీపై క్యూరియాసిటీ పెరిగిందంటున్నారు బన్నీ ఫ్యాన్స్. ఇప్పటివరకు విడుదలైన ట్రైలర్ వీడియోస్లో అల్లు అర్జున్ ఊర మాస్ లుక్లో కనిపించి ఆకట్టుకున్నాడు. పాన్ ఇండియా స్థాయిలో ఈ చిత్రాన్ని రెండు భాగాలుగా రూపొందిస్తున్నారు డైరెక్టర్ సుకుమార్.. ఇప్పటికే షూటింగ్ పూర్తిచేసుకున్న మొదటి భాగాన్ని పుష్ప ది రైజ్ అనే టైటిల్తో ఈనెల 17న ప్రేక్షకుల ముందుకు తీసుకురానున్నారు.
విడుదల తేదీ దగ్గరపడుతున్న సమయంలో సినిమా ప్రమోషన్స్ వేగవంతం చేశారు మేకర్స్. ఈ నేపథ్యంలో తాజాగా అల్లు అర్జున్ ఓ ఇంటర్వ్యూలో మాట్లాడుతూ.. పుష్ప సినిమాలోని తన పాత్ర పుష్ప రాజ్ గురించి ఆసక్తికర విషయాలను చెప్పుకొచ్చాడు. సుకుమార్ కథ చెప్పినప్పుడే ఈ సినిమాలో హీరో భుజం పైకి పెట్టి నటించాలన్నాడు. అందుకు నేను ఓకే చెప్పాను. కానీ అలా నటించినందుకు మొదట్లో నా భుజం నొప్పిగా అనిపించేది.. కానీ ఆ తర్వాత మెల్లిగా అలవాటైంది. ఎందుకంటే గతంలో 2005, 2011లో నా ఎడమ భుజానికి సర్జరీలు జరిగాయి. 2011లో సర్జరీ తర్వాత దాదాపు 11 నెలలు పట్టింది కోలుకోవడానికి. ఇక పుష్పలో కూడా ఎడమ భుజమే పైకి ఉండేట్టు నటించాలి. దీంతో మొదట్లో నా భుజం నొప్పిగా ఉండేది. కానీ సినిమా కోసం చేయాలని ఛాలెజింగ్గా తీసుకుని నటించాను. అలా చేయడం వలన మెడ భాగం చిన్నగా అయిపోయింది. దీంతో రోజు లేవగానే 15 నిమిషాలు మెడను ఫుల్ స్ట్రెచ్ చేసేవాడిని అంటూ బన్నీ చెప్పుకొచ్చారు.
Also Read: Pushpa Item Song: సమంత సాంగ్ ఇష్యూపై మాధవిలత సంచలన కామెంట్స్.. ఛ.. పరువు పోయిందంటూ..
Nani: కల్లు ఇష్టం.. వరంగల్లు ఇష్టం.. ఆమెను చూసి నటించడమే మర్చిపోయా.. నాని ఆసక్తికర కామెంట్స్..