Naga Chaitanya: వరుస ప్రాజెక్ట్స్ తో ఫుల్ బిజీగా అక్కినేని యంగ్ హీరో.. చైతన్య చేతిలో ఎన్ని సినిమాలున్నాయో తెలుసా..

అక్కినేని యంగ్ హీరో నాగ చైతన్య ఇటీవలే లవ్ స్టోరీ సినిమాతో సాలిడ్ హిట్ అందుకున్నాడు. శేఖర్ కమ్ముల దర్శకత్వం వహించిన ఈ సినిమా మంచి విజయాన్ని అందుకుంది.

Naga Chaithanya '

Rajeev Rayala |

Updated on: Nov 19, 2021 | 12:40 PM

Naga Chaitanya: అక్కినేని యంగ్ హీరో నాగ చైతన్య ఇటీవలే లవ్ స్టోరీ సినిమాతో సాలిడ్ హిట్ అందుకున్నాడు. శేఖర్ కమ్ముల దర్శకత్వం వహించిన ఈ సినిమా మంచి విజయాన్ని అందుకుంది. ప్రేమమ్ సినిమాతర్వాత చైతన్య కథల ఎంపికలో చాలా జాగ్రత్తలు వహిస్తున్నారు. ఆచితూచి కథలను ఎంచుకుంటూ విజయాలను అందుకుంటున్నాడు ఈ కుర్ర హీరో. ఇక లవ్ స్టోరీ ఇచ్చిన జోష్ తో ఇప్పుడు బ్యాక్ టు బ్యాక్ సినిమాలను లైన్‌లో పెట్టాడు. అక్కినేని ఫ్యామిలీకి మనం లాంటి మెమరబుల్ హిట్ అందించిన విక్రమ్ కుమార్ కె దర్శకతవరంలో సినిమా చేస్తున్నాడు చైతు. ఈ సినిమాకు థాంక్యూ అనే ఇంట్రస్టింగ్ టైటిల్ ను ఖరారు చేశారు. ఇప్పటికే ఈ సినిమా షూటింగ్ శరవేగంగా జరుగుతుంది. ఈ సినిమాలో హాకీ ప్లేయర్ గా కనిపించనున్నాడు చైతన్య.

ఈ సినిమాతో పాటు బాలీవుడ్ లో కూడా అడుగుపెడుతున్నాడు ఈ అక్కినేని యంగ్ హీరో. స్టార్ హీరో అమీర్ ఖాన్ నటిస్తున్న లాల్ సింగ్ చద్దా సినిమాలో కీలక ప్రెత్రలో కనిపించనున్నాడు. ఇప్పటికే ఈసినిమా షూటింగ్ ను కూడా పూర్తి చేసినట్టు తెలుస్తుంది. ఈ సినిమాలో ఆర్మీ పర్సన్ గా కనిపించనున్నాడు చైతూ. ఇక కింగ్ నాగార్జున నటిస్తున్న బంగార్రాజు సినిమాలో నటిస్తున్నాడు చైతన్య. ఈ సినిమాలో నాగార్జున కొడుకు పాత్రలో కనిపించనున్నాడు. వీటితో పాటు ఓ వెబ్ సిరీస్ లో కూడా చైతన్య నటిస్తున్నట్టు తెలుస్తుంది. అమెజాన్ ప్రైమ్ వీడియో నిర్మించే సిరీస్ కి విక్రమ్ కె కుమార్ దర్శకత్వం వహిస్తారని గుసగుసలు వినిపిస్తున్నాయి. ఈ వెబ్ సిరీస్ హారర్ నేపథ్యంలో ఉండనుందట. జనవరిలో సిరీస్ చిత్రీకరణ ప్రారంభం కానుంది. హిందీ -తెలుగు సహా పలు భాషలలో ప్రీమియర్ కాబోతుంది.

మరిన్ని ఇక్కడ చదవండి :