Pooja Hegde: బ్యాక్ టు బ్యాక్ సినిమాలు లైన్‌లో పెడుతున్న బుట్టబొమ్మ.. మరోసారి ఆ కుర్ర హీరోతో..

అక్కినేని యంగ్ హీరో నాగచైతన్య నటించిన ఒక లైలా కోసం సినిమాతో తెలుగు ప్రేక్షకులకు పరిచయం అయ్యింది ముద్దుగుమ్మ పూజాహెగ్డే.

Pooja Hegde

Rajeev Rayala |
Updated on: Mar 26, 2022 | 9:36 AM

Pooja Hegde: అక్కినేని యంగ్ హీరో నాగచైతన్య(Naga Chaitanya) నటించిన ఒక లైలా కోసం సినిమాతో తెలుగు ప్రేక్షకులకు పరిచయం అయ్యింది ముద్దుగుమ్మ పూజాహెగ్డే. తొలి సినిమాలో అమాయకంగా పక్కింటి అమ్మాయిలా కనిపించి కవ్వించింది ఈ సుందరి. దాంతో ఈ చిన్నదానికి తెలుగులో వరుస ఆఫర్లు తలుపు తట్టాయి. తక్కువ సమయంలోనే పూజా టాలీవుడ్ స్టార్ హీరోయిన్ గా ఎదిగింది. ఇప్పుడు ఈ అమ్మడి చేతిలో అరడజను కు పైగా సినిమాలున్నాయి. ఒక లైలా కోసం, ముకుంద సినిమాల్లో హోమ్లీగా కనిపించిన పూజా ఆతర్వాత రెచ్చిపోయింది. అల్లు అర్జున్ హీరోగా వచ్చిన డీజే సినిమాలో ఏకంగా బికినీలో కనిపించి కవ్వించింది. తెలుగులో సినిమాలు చేస్తూనే అటు బాలీవుడ్ లోనూ అవకాశాలు అందుకుంది. హృతిక్ రోషన్, అక్షయ్ కుమార్ లాంటి స్టార్ హీరోల సినిమాల్లో నటించింది ఈ బుట్టబొమ్మ. ప్రస్తుతం ఈ బ్యూటీ చేస్తున్న సినిమాలన్నీ బడా మూవీసే..

ఇటీవలే తమిళ్ లో మరోసారి తన అదృష్టాన్ని పరీక్షించుకోవడానికి బీస్ట్ అనే సినిమా చేస్తోంది. ఈ మూవీలో దళపతి విజయ్ హీరోగా నటిస్తున్నారు. ఇప్పటికే ఈ సినిమా షూటింగ్ పూర్తయ్యింది. ఇక తెలుగులో పూజ నటించిన ఆచార్య సినిమా రిలీజ్ కు రెడీగా ఉంది. అలాగే మహేష్ బాబు త్రివిక్రమ్ దర్శకత్వంలో రాబోతున్న సినిమాలోనూ పూజా హీరోయిన్ గా ఎంపిక అయ్యింది. ఇదిలా ఉంటే తాజాగా ఈ చిన్నది మరో సినిమాకు సైన్ చేసినట్టు తెలుస్తుంది. మరోసారి నాగచైతన్య కు జోడీగా ఈ అమ్మడు నటించనుందట. తెలుగు.. తమిళ భాషల్లో వెంకట్ ప్రభు రూపొందించనున్న సినిమాలో ఈ జంట మరోసారి కనువిందు చేయనుంది. ఈ మూవీ యాక్షన్ ఎంటర్టైనర్ గా రూపొందబోతుందని తెలుస్తుంది. త్వరలోనే ఈ సినిమాకు సంబంధించిన పూర్తివివరాలు తెలియనున్నాయి.

మరిన్ని ఇక్కడ చదవండి :