Aishwarya Bhaskar : సినిమాలు లేక వీధుల్లో సబ్బులు అమ్ముకుంటున్న హీరోయిన్ !!
ఆమె ఓ ప్రముఖ సీనియర్‌ నటికి కూతురు. పలువురు స్టార్ హీరోల సరసన నటించిన హీరోయిన్ .. క్యారెక్టర్‌ ఆర్టిస్ట్‌గా అటు బుల్లితెరపైన, ఇటు వెండి తెరపైనా సత్తా చాటిన నటీమణి. దాదాపు 200లకు పైగా చిత్రాల్లో నటించి మెప్పించారు.
Updated on: Jun 17, 2022 | 7:20 PM
ఆమె ఓ ప్రముఖ సీనియర్‌ నటికి కూతురు. పలువురు స్టార్ హీరోల సరసన నటించిన హీరోయిన్ .. క్యారెక్టర్‌ ఆర్టిస్ట్‌గా అటు బుల్లితెరపైన, ఇటు వెండి తెరపైనా సత్తా చాటిన నటీమణి. దాదాపు 200లకు పైగా చిత్రాల్లో నటించి మెప్పించారు. అంతటి నేపథ్యం ఉన్న ఆమె ప్రస్తుతం స్టార్ స్టేటస్‌ అనుభవిస్తూ దర్జాగా జీవిస్తూ ఉంటుందని అందరు అనుకుంటారు. కానీ ఆమె ప్రస్తుతం పూట గడవని స్థితిలో ఉంది. ఇంటింటికి తిరిగి సబ్బులు అమ్ముకుంటూ జీవనం సాగిస్తోంది. ఈ విషయాన్ని తానే స్వయంగా చెప్పడంతో అంతా షాక్ అవుతున్నారు. ఇంతకీ ఆ స్టార్ నటి ఎవరో తెలుసా? ఆమె ఎవరో కాదు అలనాటి సీనియర్‌ హీరోయిన్, నటి లక్ష్మి కూతురు ఐశ్వర్య భాస్కరన్‌(Aishwarya Bhaskar ).
ఇటీవల ఓ తమిళ యూట్యూబ్ చానల్‌కు ఇచ్చిన ఇంటర్య్వూ తన ఆర్థిక పరిస్థితి గురించి వివరిస్తూ కన్నీరు పెట్టుకున్నారు. ‘ప్రస్తుతం నాకు పని లేదు. డబ్బు లేదు. అలాగనీ అప్పులేమీ లేవు. వీధుల్లో సబ్బులు అమ్ముతూ బతుకుతున్నాను. ఉన్న ఒక్క కూతురు పెళ్లి చేసుకుని వెళ్లిపోయింది. ఇప్పుడు నా ఫ్యామిలీలో నేనొక్కదానినే ఉన్నాను. ఇప్పుడున్న పరిస్థితుల్లో ఏ పనిచేయడానికైనా నేను ఆలోచించను. రేపు మీ ఆఫీసులో జాబ్ ఇస్తానంటే తప్పకుండా చేస్తా. అవసరమైతే టాయిలెట్స్ కూడా క్లీన్ చేస్తా’ అని చెప్పుకొచ్చారు. ‘నేను నటించడం ప్రారంభించిన మూడేళ్ల పాటు కెరీర్ బాగా సాగింది.. ఇంతలోనే పెళ్లయింది. ఆ తర్వాత క్రమంగా సినీ ఇండస్ట్రీకి దూరమవాల్సి వచ్చింది. ప్రస్తుతం నేను స్వతంత్రంగా ఉన్నాను. అందుకు గర్వపడుతున్నాను. యూట్యూబ్ చానెల్ నిర్వహిస్తూ సబ్బులు అమ్ముతున్నాను. అయితే ఆర్థికంగా నేను నిలదొక్కుకోవాలంటే నాకు ఇప్పుడు ఓ మెగా సీరియల్‌ ఆఫర్‌ కావాలి’ అంటూ ఐశ్వర్య చెప్పుకొచ్చారు.
మరిన్ని సినిమా వార్తల కోసం ఇక్కడ క్లిక్ చేయండి
