Tamannaah: నాకు ప్రతి శుక్రవారం పెళ్లి జరుగుతోంది.. విజయ్‌ వర్మతో రిలేషన్‌షిప్‌పై తమన్నా ఇంట్రెస్టింగ్‌ కామెంట్స్‌
తెలుగులో స్టార్‌ హీరోయిన్‌గా చెలామణి అవుతోన్న తమన్నా గత కొద్దికాలంగా రిలేషన్‌ షిప్‌ విషయాలతోనూ వార్తల్లో నిలుస్తోంది. ప్రముఖ బాలీవుడ్ నటుడు విజయ్‌ వర్మతో మిల్కీ బ్యూటీ డేటింగ్‌లో ఉందని ప్రచారం జరుగుతోంది.
Updated on: Mar 13, 2023 | 6:15 AM
తెలుగులో స్టార్‌ హీరోయిన్‌గా చెలామణి అవుతోన్న తమన్నా గత కొద్దికాలంగా రిలేషన్‌ షిప్‌ విషయాలతోనూ వార్తల్లో నిలుస్తోంది. ప్రముఖ బాలీవుడ్ నటుడు విజయ్‌ వర్మతో మిల్కీ బ్యూటీ డేటింగ్‌లో ఉందని ప్రచారం జరుగుతోంది. ఈ ఏడాది కొత్త సంవత్సరం సందర్భంగా గోవాలో జరిగిన పార్టీలో ఇద్దరూ ముద్దులు పెట్టుకుంటూ కనిపించడంతో వీరి రిలేషన్‌ వార్తలపై పుకార్లు మొదలయ్యాయి. ఆతర్వాత కూడా విజయ్‌ను ముద్దు పేరుతో పిలుస్తూ తమన్నా సోషల్‌ మీడియా పోస్టులు షేర్‌ చేయడంతో వీరి మధ్య సమ్‌ థింగ్‌ సమ్‌ థింగ్‌ నడుస్తుందన్న వార్తలకు మరింత బలం చేకూరింది. ఈక్రమంలో విజయ్‌వర్మతో రిలేషన్‌షిప్‌ వార్తలపై స్పందించింది తమన్నా. ఓ ఆంగ్ల ఇంటర్వ్యూలో మాట్లాడిన ఆమె తనపై జరుగున్న ప్రచారంపై ఆసక్తి కర వ్యాఖ్యలు చేసింది. ‘నేను, విజయ్‌ వర్మ కలిసి ఒక సినిమా చేశాం. అప్పటి నుంచి మా పై రూమర్లు వినిపిస్తూనే ఉన్నాయి. దీనిపై అందరికీ స్పష్టత ఇవ్వాల్సిన అవసరం లేదు. ఇంతకు మించి నేనేమీ చెప్పను’
‘సినిమా ఇండస్ట్రీలో హీరోల చుట్టూ నడిచే గాసిప్స్‌తో పోలిస్తే హీరోయిన్ల రిలేషన్‌షిప్‌, పెళ్లిళ్లపైనే వార్తలు ఎక్కువగా వస్తుంటాయి. ఇలా ఎందుకు జరుగుతుందో నాకు అర్థం కావడం లేదు. మాకు నిజంగా వివాహం జరిగే సమయానికి ప్రజలు చాలా పెళ్లిళ్లు చేసేస్తారు. ప్రతి శుక్రవారం మాకో పెళ్లి జరుగుతుంది. డాక్టర్‌ నుంచి బిజినెస్‌మెన్‌ వరకూ ..ఇలా అందరితో మాకు పెళ్లిళ్లు చేసేస్తారు. ఇవన్నీ చూస్తుంటే మాకు చాలా పెళ్లిళ్లు చేసుకున్న భావన మాకు కలుగుతోంది. నాకు నిజంగా పెళ్లెప్పుడు జరుగుతుందో తెలియడం లేదు. అప్పటివరకూ ప్రజలు ఇదే ఉత్సాహంతో ఉండగలరా? అప్పటికి మరోదాని గురించి ఆలోచిస్తుంటారేమో’ అని సటైర్లు వేసింది తమన్నా. ప్రస్తుతం ఈ వ్యాఖ్యలు సోషల్‌ మీడియాలో వైరల్‌గా మారింది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
