Tollywood : నా తమ్ముడు పెద్ద హీరో.. 38 ఏళ్లకే చనిపోయాడు.. అతడి కూతురు ఇప్పుడు తెలుగులో తోపు హీరోయిన్.. నటి శ్రీలక్ష్మీ..

సీనియర్ నటి శ్రీలక్ష్మి గురించి ప్రత్యేకంగా పరిచయం అక్కర్లేదు. తెలుగులో ఎన్నో సూపర్ హిట్ చిత్రాల్లో నటించి తనదైన ముద్ర వేశారు. తన సోదరుడు, నటుడు రాజేష్ (అసలు పేరు ప్రసాద్) అకాల మరణానికి సంబంధించిన వాస్తవాలను ఓ ఇంటర్వ్యూలో పంచుకున్నారు. రాజేష్ కేవలం 38 ఏళ్ల వయసులోనే కన్నుమూయడానికి గల కారణాలను వివరిస్తూ, ఆయన ప్రేమ వివాహమే ఈ విషాదానికి మూలమని శ్రీలక్ష్మి కంటతడి పెట్టారు. శ్రీలక్ష్మి, ఆమె తల్లిదండ్రులు పుణ్యభూమి కళ్ళు తెరిచింది అనే సినిమాలో పని చేస్తున్న సమయంలో, రాజేష్ నటి నాగమణిని ప్రేమించి పెళ్లి చేసుకున్నారు. అప్పట్లో వారి తండ్రి మరణించి, కుటుంబం ఆర్థిక ఇబ్బందుల్లో ఉన్నందున, రాజేష్ పెళ్లికి ఆరు నెలలు ఆగమని తల్లి కోరారు. అయితే, వారు వినకుండా పెళ్లి చేసుకున్నారు. రాజేష్ తన అక్క శ్రీలక్ష్మి కష్టపడుతున్నారని, తాను కూడా నటనలో కొనసాగితే కుటుంబానికి ఆర్థికంగా చేయూత ఇవ్వవచ్చని భావించారు. నాగమణి తనకు రాఘవేంద్రరావు, దాసరి నారాయణరావు వంటి ప్రముఖులతో పరిచయాలు ఉన్నాయని, రాజేష్‌కు హీరోగా అవకాశాలు ఇప్పిస్తానని హామీ ఇవ్వడంతో, రాజేష్ ఆమె మాటలను నమ్మారని శ్రీలక్ష్మి పేర్కొన్నారు. రాజేష్ స్వార్థంతో కాకుండా కుటుంబానికి సాయం చేయాలనే ఉద్దేశంతోనే ఈ వివాహానికి అంగీకరించారని ఆమె వివరించారు.

ఎక్కువ మంది చదివినవి : Tollywood: కోటి 40 లక్షలు పెట్టి సినిమా తీశా.. అప్పు తీర్చడానికి 6 ఏళ్లు కప్పులు కడిగాను.. టాలీవుడ్ నటుడు..

అయితే, పెళ్లి తర్వాత పరిస్థితులు పూర్తిగా మారిపోయాయి. నాగమణి ఇచ్చిన హామీలు నిలబెట్టుకోలేదని, రాజేష్‌కు హీరో అవకాశాలు కాదు కదా, చిన్న చిన్న పాత్రలు కూడా దక్కలేదని శ్రీలక్ష్మి తెలిపారు. దీంతో రాజేష్ తీవ్ర నిరాశ, డిప్రెషన్‌లోకి వెళ్ళిపోయారని, తాగడం మొదలుపెట్టి జీవితం దారితప్పిందని ఆమె చెప్పారు. తన భార్యను డ్యాన్సులు చేయడానికి పంపించకపోవడంపై కుటుంబ సభ్యులు ప్రశ్నించగా, సమాజం తనను చేతకానివాడిలా చూస్తుందని రాజేష్ సమాధానమిచ్చారని శ్రీలక్ష్మి గుర్తు చేసుకున్నారు. భార్యాభర్తల మధ్య గొడవలు పెరిగి, చివరికి వారు విడిపోయారని ఆమె వెల్లడించారు. రాజేష్ తన జీవితంలో తీసుకున్న నిర్ణయం తప్పని భావించి, ఇకపై ఎవరినీ పెళ్లి చేసుకోలేనని, తనను ఒంటరిగా వదిలేయమని కుటుంబ సభ్యులను కోరారని శ్రీలక్ష్మి వివరించారు. అప్పటికే ముగ్గురు పిల్లలు ఉన్నా, ఆయన మళ్ళీ పెళ్లి చేసుకోడానికి నిరాకరించారు. ఇలా జీవితంపై విసుగు చెంది, చివరికి 38 ఏళ్ల వయసులోనే ఆయన మరణించారని శ్రీలక్ష్మి కంటతడి పెట్టారు. వివాహం జీవితంలో ఒక చిన్న మచ్చలా మారి, అది మరణం వరకు వెంటాడిందని ఆమె అభిప్రాయపడ్డారు.

ఎక్కువ మంది చదివినవి : Ram Gopal Varma: ఆ మహా మనిషికి తలవంచి పాదాభివందనం చేస్తా.. ఆయన గొప్ప వ్యక్తి.. రామ్ గోపాల్ వర్మ..

శ్రీలక్ష్మి తన స్వంత జీవితంలోనూ కొన్ని తప్పులు చేసినట్లు అంగీకరించారు. చెన్నైలో వలసరవాక్కం, టీ నగర్‌లో ఆస్తులు ఉండగా, ఈసీఆర్ (ఈస్ట్ కోస్ట్ రోడ్) లో రిసార్ట్ తరహా ఇంటిలో పెట్టుబడి పెట్టి ఆర్థిక ఇబ్బందుల్లో పడ్డారు. అప్పులు తీర్చడానికి తన టీ నగర్ ఇంటిని అమ్మవలసి వచ్చిందని, ఈ సంఘటన తనకు హైదరాబాద్‌కు మారేందుకు దారితీసిందని ఆమె వివరించారు. వరుసగా తండ్రి, తమ్ముడు, తమ్ముడి పిల్లల మరణాలతో మానసికంగా తీవ్ర ఒత్తిడికి గురయ్యానని శ్రీలక్ష్మి వెల్లడించారు. అయితే, కమెడియన్‌గా కొనసాగడం వల్లే తాను ఇప్పటికీ చిత్ర పరిశ్రమలో నిలబడగలిగానని, హీరోయిన్‌గా ఉండి ఉంటే తన కెరీర్ ఐదేళ్లకే ముగిసిపోయేదని ఆమె అన్నారు. శ్రీలక్ష్మీ మేనకోడలు టాలీవుడ్ హీరోయిన్ ఐశ్వర్య రాజేశ్.

ఎక్కువ మంది చదివినవి : Srikanth : అతడిని నమ్మి చాలా డబ్బు పోగొట్టుకున్నాను.. అందుకు కారణం ఆ ఒక్కటే.. శ్రీకాంత్..

View this post on Instagram

A post shared by Aishwarya Rajesh (@aishwaryarajessh)

ఎక్కువ మంది చదివినవి : VV Vinayak: అందరు హీరోలతో చేశా.. కానీ నాగార్జునతో సినిమా ఎందుకు చేయాలేదంటే.. అసలు విషయం చెప్పిన వివి వినాయక్..