Sai Pallavi: ఫ్యాన్స్ చేసిన పనికి స్జేజ్ పైనే ఏడ్చేసిన సాయి పల్లవి.. నెట్టింట్లో వీడియో వైరల్..

న్యాచురల్ స్టార్ నాని ప్రధాన పాత్రలో డైరెక్టర్ రాహుల సాంకృత్యాన్ తెరకెక్కించిన లేటేస్ట్ చిత్రం శ్యామ్ సింగరాయ్. ఇందులో

Sai Pallavi

Rajitha Chanti |

Updated on: Dec 19, 2021 | 8:05 AM

న్యాచురల్ స్టార్ నాని ప్రధాన పాత్రలో డైరెక్టర్ రాహుల సాంకృత్యాన్ తెరకెక్కించిన లేటేస్ట్ చిత్రం శ్యామ్ సింగరాయ్. ఇందులో సాయి పల్లవి, కృతి శెట్టి, మడోన్నా సెబాస్టియన్ లు హీరోయిన్లుగా నటించగా.. నిహారికి ఎంటర్టైన్మెంట్స్ బ్యానర్ మీద ప్రొడక్షన్ నెంబర్ వన్ గా వెంకట్ బోయనపల్లి ఈ చిత్రాన్ని నిర్మిస్తున్నారు. ఇప్పటికే విడుదలైన ఈ మూవీ ట్రైలర్, సాంగ్స్ సినిమాపై మంచి హైప్ క్రియేట్ చేశాయి. ఇప్పటికే షూటింగ్ పూర్తిచేసుకున్న ఈ సినిమా డిసెంబర్ 24న ప్రేక్షకుల ముందుకు రానుంది. ఈ క్రమంలో సినిమా ప్రమోషన్స్ వేగవంతం చేసింది చిత్రయూనిట్.

సినిమా విడుదల తేదీ దగ్గరపడుతుండడంతో ప్రమోషన్స్‏లో బిజీగా ఉంది శ్యామ్ సింగరాయ్ చిత్రయూనిట్. ఈ క్రమంలో నిన్న హైదరాబాద్ శిల్ప కళా వేదికలో శ్యామ్ సింగరాయ్ ప్రీ రిలీజ్ ఈవెంట్ నిర్వహించిన సంగతి తెలిసిందే. ఈ వేడుకలో హీరోయిన్ సాయి పల్లవి కన్నీరు పెట్టుకోవడం సంచలనంగా మారింది. డైరెక్టర్ రాహుల్ సాంకృత్యాన్ హీరోయిన్ సాయి పల్లవి గురించి మాట్లాడుతుండగా.. ఫ్యాన్స్ పెద్దగా అరవడం మొదలు పెట్టారు. సాయి పల్లవి అనగానే.. మరింత పెద్దగా అరిచారు. దీంతో ఫ్యాన్స్ చూపిస్తున్న అభిమానానికి సాయి పల్లవి ఎమోషనల్ అయ్యింది. అభిమానులు చూపిస్తున్న ప్రేమకు సాయి పల్లవి స్జేజ్ పైనే కన్నీరు పెట్టుకోగా.. హీరో నాని ఆమెను ఓదార్చారు.. ఇందుకు సంబంధించిన వీడియో ఇప్పుడు సోషల్ మీడియాలో వైరల్ అవుతుంది. ఫిదా సినిమాతో తెలుగులోకి ఎంట్రీ ఇచ్చిన సాయి పల్లవి మొదటి సినిమాతోనే తెలుగు ప్రేక్షకులను ఆకట్టుకుంది. గ్లామర్ పాత్రలకు దూరంగా ఉంటూ..సంప్రదాయ వస్త్రధారతో తన నటనతో ప్రేక్షకుల మనసు దోచుకుంది సాయి పల్లవి. మలయాళ ముద్దుగుమ్మ అతి తక్కువ సమయంలోనే దక్షిణాదిలో టాప్ హీరోయిన్‏గా కొనసాగుతుంది.