Nazriya Nazim: అందుకే అంటే సుందరానికి సినిమా చేశా.. ఆసక్తికర విషయాల తెలిపిన నజ్రియా

నేచురల్ స్టార్ నాని(Nani) నటించిన లేటెస్ట్ మూవీ అంటే సుందరానికి(Ante Sundaraniki). వివేక్ ఆత్రేయ దర్శకత్వంలో తెరకెక్కిన ఈ సినిమాతో తెలుగు ప్రేక్షకులకు నేరుగా పరిచయం అవుతుంది అందాల భామ నజ్రియా.. ప్రముఖ నిర్మాణ సంస్థ మైత్రీ మూవీ మేకర్స్ నిర్మించిన ఈ రొమాంటిక్ కామెడీ ఎంటర్‌టైనర్ పై భారీ అంచనాలు నెలకొన్నాయి. ఇప్పటికే విడుదలైన టీజర్, ట్రైలర్ కు అన్ని వర్గాల ప్రేక్షకుల నుండి మంచి రెస్పాన్స్ వచ్చింది. ఈ చిత్రంలోని పాటలన్నీ చార్ట్ బస్టర్స్ గా నిలిచాయి. జూన్ 10న ప్రపంచ వ్యాప్తంగా తెలుగు, తమిళ్ , మలయాళం భాషల్లో ఈ చిత్రం విడుదల కాబోతున్న నేపధ్యంలో హీరోయిన్ నజ్రియా అంటే సుందరానికి విశేషాలను పంచుకున్నారు.

నజ్రియా మాట్లాడుతూ..  కథలు ఎంపిక విషయంలో కొంచెం పర్టిక్యులర్ ఉంటాను. ఐతే చాలా మంది నేను రోజు కథలు వింటూ రిజెక్ట్ చేస్తూ ఉంటానని అనుకుంటారు. అది నిజం కాదు. కొన్ని కథలు మాత్రమే విన్నాను. అందులో ‘అంటే సుందరానికీ’ చాలా ఎక్సయిట్ చేసింది అన్నారు. కథ విన్నపుడు భాష గురించి అలోచించను. సగటు ప్రేక్షకుడిలానే కథ వింటాను. ‘అంటే సుందరానికీ’ కూడా ఒక ఆడియన్ లానే విన్నా. కథ అద్భుతం అనిపించింది. ఫన్, ఎంటర్టైన్మెంట్, ఎమోషన్స్.. ఇలా అన్నీ భావోద్వేగాలు ఒక కథలో కుదరడం చాలా అరుదు. ‘అంటే సుందరానికీ’ అంత అరుదైన కథ. ఇలాంటి కథ చేయడం చాలా ఎక్సయిటింగా అనిపించింది అని అన్నారు నజ్రియా.

చైల్డ్ ఆర్టిస్ట్ గా కెరీర్ మొదలుపెట్టాను. టీవీకి పని చేశాను. ఒక రెండేళ్ళు వరుసగా సినిమాలు చేశాను. కొంచెం త్వరగానే పెళ్లి చేసుకున్నాను. వైవాహిక జీవితంలో అడుగుపెట్టిన తర్వాత దానికి సమయం కేటాయించాలని భావించాను. ఇంట్లో వుండటం, ప్రయాణాలు, ఇంటి పనులు చూసుకోవడం కూడా ఆనందంగా వుంది. అయితే ఫాహాద్ ‘కథలు వినకుండా ఏం చేస్తున్నావ్” అనేవారు. నన్ను తెరపై చూడటం ఫాహాద్ కి చాలా ఇష్టం, నాకంటే ఆయనే ఎక్సయిట్ గా వుంటారు. కొన్నాళ్ళుగా కథలు వింటున్నాను. ఐతే నేను ఆల్రెడీ చేసిన పాత్రలే చాలా వరకూ వచ్చాయి. చేసిన పాత్రే మళ్ళీ చేయడంలో ఎలాంటి ఎక్సయిట్ మెంట్ వుండదు కదా.. ఈ కారణంగా కథల ఎంపికలో నేను కొంత పర్టికులర్ గా ఉంటానని భావిస్తారు అంటూ చెప్పుకొచ్చింది నజ్రియా.