Ram Gopal Varma : ఆర్జీవీ అప్పుడు నన్ను రిజెక్ట్ చేశాడు.. తర్వాత నన్నే హీరోగా పెట్టి సినిమా తీశాడు.. టాలీవుడ్ నటుడు..

నటుడు సునీల్ తన సినీ ప్రయాణం, విభిన్న పాత్రల పోషణ, కెరీర్‌లో ఎదురైన కీలక మలుపుల గురించి ఇటీవల ఒక ఇంటర్వ్యూలో వివరించారు. కలర్ ఫోటో చిత్రంలోని విలన్ పాత్ర తన కెరీర్‌కు ఒక టర్నింగ్ పాయింట్ అని అన్నారు. కామెడీ, హీరో, విలన్ పాత్రలను అలవోకగా పోషించగలిగే తన బహుముఖ ప్రజ్ఞకు, కోట శ్రీనివాసరావు, రాజేంద్ర ప్రసాద్, చిరంజీవి వంటి మహానటుల ప్రభావం ఉందని సునీల్ పేర్కొన్నారు. కోట శ్రీనివాసరావు కామెడీ, విలనీ రెండింటినీ అద్భుతంగా పండించిన గొప్ప నటుడని, ఆయన తనపై ఎంతో ప్రభావం చూపారని సునీల్ వివరించారు. రాజేంద్ర ప్రసాద్ కామెడీ శైలి, చిరంజీవి డ్యాన్సులు, హీరోయిజం తనను ఎంతగానో ప్రభావితం చేశాయని తెలిపారు. ఈ ప్రభావాలన్నీ కలిసి తనకంటూ ఒక ప్రత్యేకమైన శైలిని సృష్టించుకోవడానికి దోహదపడ్డాయని సునీల్ అన్నారు. తన కెరీర్ తొలినాళ్లలో జరిగిన ఒక ఆసక్తికరమైన సంఘటనను సునీల్ పంచుకున్నారు. దర్శకుడు రామ్ గోపాల్ వర్మ (ఆర్‌జీవీ) తెరకెక్కించిన ప్రేమకథ చిత్రంలో తాను ఒక పాత్రకు ఆడిషన్ కోసం పాలకొల్లు వెళ్ళినప్పుడు, ఆర్‌జీవీ తనను చూసి, “ఇతను చాలా టఫ్‌గా ఉన్నాడు, మీరేం కామెడీ అంటారు?” అంటూ తనను తిరస్కరించారని సునీల్ గుర్తుచేసుకున్నారు.

ఎక్కువ మంది చదివినవి : Aamani: ఇప్పుడున్న హీరోలలో అతడంటే చాలా ఇష్టం.. ఆ హీరో మాట్లాడే తీరు సూపర్ ఉంటుంది.. హీరోయిన్ ఆమని..

అప్పటికి ఆయనకు తన కామెడీ తెలియదని, తన రూపం చూసి ఆయన ఈ నిర్ణయం తీసుకున్నారని సునీల్ తెలిపారు. ఆ సమయంలో తనకు ఆ పాత్ర దక్కనందుకు ఎంతో నిరాశ చెందానని, తన సొంత ప్రాంతంలో సినిమా తీస్తున్నప్పటికీ అవకాశం లభించలేదని బాధపడ్డానని సునీల్ వివరించారు. అప్పుడు తాను మావూళ్ళమ్మ తల్లికి చీర కట్టి మొక్కుకున్నానని, చేతిదాకా వచ్చిన అవకాశం చేజారినందుకు ఎంతో విచారించానని పంచుకున్నారు.

ఎక్కువ మంది చదివినవి : Ram Gopal Varma : ప్రపంచంలోని అన్నిటికంటే ఆ పాటే గొప్ప సాంగ్.. బతుకునే మార్చే పాట ఇది.. రామ్ గోపాల్ వర్మ..

అయితే, పన్నెండు సంవత్సరాల తర్వాత అనూహ్యంగా రామ్ గోపాల్ వర్మ తన కత, స్క్రీన్ ప్లే, దర్శకత్వం అప్పల్రాజు అనే చిత్రంలో తనను హీరోగా పెట్టి తీశారని సునీల్ ఆశ్చర్యకరమైన విషయాన్ని వెల్లడించారు. ఆర్‌జీవీ వంటి గొప్ప దర్శకుడితో కలిసి పనిచేయడం తనకు లభించిన అద్భుతమైన అవకాశం అని సునీల్ అన్నారు. ఆర్‌జీవీ తనతో మాట్లాడుతూ, “ఈ సినిమా ముందు ఒక పెద్ద సూపర్ హిట్ ఉంది. ఇది ఫ్లాప్ అయితే, నీ మీదకు ఎలాంటి చెడ్డ పేరు రాదు, అంతా నా మీదికే వస్తుంది” అని ముందే స్పష్టంగా చెప్పారని సునీల్ పేర్కొన్నారు. ఈ సినిమాలో తన పాత్రకు సంబంధించిన కథాంశం తనకు ఎంతగానో నచ్చిందని, చాలా సహజంగా నటించే అవకాశం లభించిందని తెలిపారు. సాంగ్స్ పెట్టడం ఆర్‌జీవీకి ఇష్టం లేకపోయినా, తాను డాన్స్ బాగా చేస్తాడని తెలిసి వాటిని సినిమాలో చేర్చారని సునీల్ వివరించారు.

ఎక్కువ మంది చదివినవి : Puri Jagannadh : బద్రి సినిమాలో యాక్టింగ్.. ఆ నటికి ప్రతి నెల డబ్బులు పంపుతున్న పూరి.. కారణం ఇదే..

Rgv, Sunil

ఎక్కువ మంది చదివినవి : Prakash Raj : క్రైస్తవ సంప్రదాయంలో తల్లి అంత్యక్రియలు.. ట్రోల్స్ పై మండిపడ్డ ప్రకాష్ రాజ్..