Anni Manchi Sakunamule: యంగ్ హీరోకు ఎన్టీఆర్ సపోర్ట్.. ఇక ‘అన్నీ మంచి శకునములే’ అంటోన్న సంతోష్ శోభన్..
యంగ్ టైగర్ ఎన్టీఆర్ చేతుల మీదుగా ఈ సినిమా ట్రైలర్ విడుదల అయ్యింది. ఎన్టీఆర్ విడుదల చేయడంతో ఈ సినిమా సూపర్ హిట్ అంటూ తారక్ అభిమానులు అంటున్నారు. ఈ సినిమా నిర్మాత స్వప్న దత్ ఎన్టీఆర్ కు మంచి స్నేహితురాలు. అందుకే ఈ మూవీ ట్రైలర్ తారక్ విడుదల చేయడం విశేషం.
Updated on: May 18, 2023 | 6:49 PM
యంగ్ హీరో సంతోష్ శోభన్ హీరోగా తెరకెక్కుతోన్న లేటేస్ట్ చిత్రం అన్నీ మంచి శకునములే. ఇందులో మాళవికా నాయర్ కథానాయికగా నటిస్తుండగా.. నందినీరెడ్డి దర్శకత్వం వహిస్తున్నారు. ఇప్పటికే విడుదలైన టీజర్, పోస్టర్స, సాంగ్స్ ఆకట్టుకోగా.. గత కొద్ది రోజులుగా ఈ సినిమా ప్రమోషన్స్ జోరుగా నిర్వహిస్తుంది చిత్రయూనిట్. ఈ క్రమంలోనే శుక్రవారం సాయంత్రం యంగ్ టైగర్ ఎన్టీఆర్ చేతుల మీదుగా ఈ సినిమా ట్రైలర్ విడుదల అయ్యింది. ఎన్టీఆర్ విడుదల చేయడంతో ఈ సినిమా సూపర్ హిట్ అంటూ తారక్ అభిమానులు అంటున్నారు. ఈ సినిమా నిర్మాత స్వప్న దత్ ఎన్టీఆర్ కు మంచి స్నేహితురాలు. అందుకే ఈ మూవీ ట్రైలర్ తారక్ విడుదల చేయడం విశేషం.
తాజాగా విడుదలైన ట్రైలర్ ఆద్యంతం ఆకట్టుకుంటుంది. కంప్లీట్ ఫ్యామిలీ ఎంటర్టైనర్ గా మాత్రమే కాకుండా.. బ్యూటీఫుల్ లవ్ స్టోరీ కూడా ఉండనున్నట్లు తెలుస్తోంది. అంతేకాకుండా ఇందులో మాళవికా పాత్ర సరికొత్తగా ఉంది. హీరోహీరోయిన్స్ పుట్టినప్పటి నుంచి ట్రైలర్ స్టార్ట్ అయ్యింది. రెండు కుటుంబాల మధ్య సమస్యలు.. ఎప్పుడూ సంతోషంగా ఉండాలనే కుర్రాడి జీవితం అనుహ్యంగా ఎలా మారింది అనేది సినిమా.
ఈ చిత్రానికి మిక్కీ జే మేయర్ సంగీతం అందించారు. అన్ని కార్యక్రమాలు పూర్తిచేసుకున్న ఈ మూవీ మే 18న రిలీజ్ కానుంది. గత కొద్ది రోజులుగా సరైన హిట్ అందుకోని సంతోష్ శోభన్ ఈ సినిమాతో విజయం సాధిస్తాడో లేదో చూడాలి.
మరిన్ని సినిమా వార్తల కోసం ఇక్కడ క్లిక్ చేయండి.
