Anand Deverakonda: ‘ఆ అమ్మాయిని నిజాయతీగా ప్రేమించాను. నా గుండె పగిలిపోయింది’.. ‘బేబీ’ హీరో బ్రేకప్ స్టోరీ
టాలీవుడ్ రౌడీ బాయ్ విజయ్ దేవరకొండ సోదరుడిగా ఇండస్ట్రీలోకి అడుగుపెట్టాడు ఆనంద్ దేవరకొండ. అయితే దొరసాని, మిడిల్ క్లాస్ మెలొడీస్, పుష్పక విమానం, హైవే, బేబీ.. ఇలా డిఫరెంట్ సినిమాలతో తనకంటూ ఓ ఐడెంటిటీని సొంతం చేసుకున్నాడు
Updated on: Feb 10, 2024 | 8:29 PM
టాలీవుడ్ రౌడీ బాయ్ విజయ్ దేవరకొండ సోదరుడిగా ఇండస్ట్రీలోకి అడుగుపెట్టాడు ఆనంద్ దేవరకొండ. అయితే దొరసాని, మిడిల్ క్లాస్ మెలొడీస్, పుష్పక విమానం, హైవే, బేబీ.. ఇలా డిఫరెంట్ సినిమాలతో తనకంటూ ఓ ఐడెంటిటీని సొంతం చేసుకున్నాడు. ముఖ్యంగా సినిమా కథల ఎంపికలో ఆనంద్ దేవరకొండ చాలా డిఫరెంట్గా ఆలోచిస్తున్నాడు. బేబీతో బ్లాక్ బస్టర్ మూవీని ఖాతాలో వేసుకున్నాడు ఆనంద్ దేవర కొండ. అందులో హీరోయిన్ను గాఢంగా ప్రేమిస్తాడు. అయితే వివిధ కారణాలతో ఆ అమ్మాయి వేరొకరిని పెళ్లి చేసుకుంటుంది. బ్రేకప్ తర్వాత మందుకు బానిసగా మారిపోతాడు. ప్రియురాలిని మర్చిపోలేక నరకం అనుభవిస్తాడు. అయితే రీల్ లైఫ్ లోనే కాదు నిజ జీవితంలోనూ అలాంటి నరకం చూశానంటున్నాడీ ప్రామిసింగ్ హీరో. ఇటీవల ఓ ఇంటర్వ్యూలో మాట్లాడిన ఆనంద్ దేవరకొండ తన తొలి ప్రేమ ముచ్చట్లు, బ్రేకప్ బాధను అందరితో పంచుకున్నాడు.
ఇదే నా మొదటి ప్రేమకత. నేను ప్రేమించిన అమ్మాయి ఉన్నత చదువుల కోసం చికాగో వెళ్లింది. నేను కూడా అమెరికా వెళ్దామని ఎప్పటినుంచో ప్రణాళికలు వేసుకున్నాను. చికాగో చుట్టుపక్కల ఏదైనా ఒక యూనివర్సిటీలో ఉందామనుకున్నాను. అమెరికాలోని టాప్ 5 ఇంజనీరింగ్ కళాశాలలకు అప్లై చేస్తే సీటు కూడా దొరికింది. ఇక చికాగో వెళ్లిపోయాక ఇద్దరం కలిసి ఉండోచ్చు. మా ప్రేమకు ఎలాంటి అడ్డంకులు ఉండవనుకున్నాను. అయితే అక్కడికి వెళ్లాక వ్యవహారం బెడిసి కొట్టింది. నా గుండె పగిలిపోయింది. ఆ బ్రేకప్ బాధ నుంచి బయటపడటానికి సుమారు నాలుగైదేళ్లు పైగానే పట్టింది. నేను తనను ఎంతో నిజాయితీగా ప్రేమించాను. కానీ వర్కవుట్ కాలేదు. లవ్ ఫెయిల్యూర్ తో చాలా బాధపడ్డాను’ అని తన బ్రేకప్ స్టోరీని బయటపెట్టాడు ఆనంద్.
2023 బ్లాక్ బస్టర్..
2023.
What a year.
Frustrating at times. Testing at times. Mistakes were made. But that’s life, we keep moving forward. I’ll still call it one of my best years.. So much to celebrate. So much more to learn from. So much to reflect on.
The audience reactions during… pic.twitter.com/cq4ASDRx4n
— Anand Deverakonda (@ananddeverkonda) December 31, 2023
కొత్త సినిమా ఓపెనింగ్ లో ఆనంద్ దేవరకొండ
#Duet ❤️
New movie titled: Duet
A talented debut director @mithukrish12 Honoured to be working with a passionate team! Also, looking forward to work on an amazing film and a blockbuster music album with @gvprakash anna 🤗@StudioGreen2 @kegnanavelraja @madhurasreedhar… pic.twitter.com/c5MTI29BQU
— Anand Deverakonda (@ananddeverkonda) November 2, 2023
మరిన్ని సినిమా వార్తల కోసం ఇక్కడ క్లిక్ చేయండి.
