Tollywood: అమ్మాయిలతో అసభ్యకరంగా వీడియో కాల్స్.. సంచలన ఆరోపణలపై స్పందించిన టాలీవుడ్ హీరో

గతంలో పలు తెలుగు, తమిళ సినిమాల్లో నటించిన ఈ హీరో అమ్మాయిలతో అసభ్యంగా మాట్లాడాడంటూ ఓ వీడియో క్లిప్పింగ్‌ సామాజిక మాధ్యమాల్లో బాగా వైరల్‌గా మారింది. కేవలం మాట్లాడడమే కాదు అమ్మాయిలతో అసభ్యకరంగా చాటింగ్ చేస్తున్నాడంటూ ప్రచారం జరుగుతోంది. దీనిపై స్వయంగా ఆ నటుడే స్పందించాడు.

Ajmal Ameer

Basha Shek |
Updated on: Oct 20, 2025 | 5:48 PM

తెలుగుతో పాటు తమిళ్ సినిమాల్లో నటించిన ప్రముఖ నటుడు అజ్మల్ అమీర్ పై సంచలన ఆరోపణలు వచ్చాయి. అమ్మాయిలతో అతను అసభ్యకరంగా ఛాటింగ్ చేశాడంటూ, వీడియో కాల్స్ కూడా మాట్లాడాడంటూ ఈ నటుడిపై ఆరోపణలు వస్తున్నాయి. ఈ మేరకు సోషల్ మీడియాలో ఒక వీడియో క్లిప్ నెట్టింట వైరలవుతోంది. చాలా మంది నెటిజన్లు ఈ వీడియోను చూసి నిజమనుకుంటున్నారు. దీంతో స్వయంగా అజ్మల్ రంగంలోకి దిగాడు. సోషల్ మీడియాలో వైరలవుతోన్న వీడియో క్లిప్ పై స్పందించాడు. ఈ మేరకు సోషల్ మీడియా వేదికగా ఓ వీడియోను రిలీజ్ చేశాడు. అవన్నీ ఏఐ (ఆర్టిఫిషియల్‌ ఇంటలిజెన్స్‌) సాయంతో క్రియేట్ చేసిన ఫేక్‌ వీడియో కాల్స్‌ అని కొట్టిపారేశాడు.’ ఈ కల్పిత కథలు, ఏఐ వాయిస్‌ ఇమిటేటింగ్‌, ఎడిటింగ్స్‌.. నన్ను కానీ, నా కెరీర్‌ను కానీ నాశనం చేయలేవు. ఆ భగవంతుడి దయ వల్ల రెండు పెద్ద (తెలుగు, తమిళ) సినిమా ఇండస్ట్రీలలో నేనేంటో నిరూపించుకోగలిగాను. నాకంటూ ఓ గుర్తింపు సంపాదించుకుని సినీ పరిశ్రమలో కొనసాగుతున్నాను. ఇప్పుడు నా ఇమేజ్‌ను కాపాడేందుకు నాకెటువంటి మేనేజర్‌ లేడు, పీఆర్ టీమ్‌ అసలే లేదు’

‘ గత రెండు రోజులుగా నా గురించి సోషల్ మీడియాలో తప్పుడు ప్రచారం జరుగుతోంది. ఇలాంటి సమయంలో నాకు అండగా నిలబడ్డ అందరికీ పేరుపేరునా ధన్యవాదాలు తెలుపుతున్నాను. మీవల్లే నేను ఇప్పుడు ఈ స్థాయిలో ఉన్నాను. మీరే నా ధైర్యం’ అని వీడియో లో చెప్పుకొచ్చాడు.

ఇవి కూడా చదవండి

Ajmal Ameer

View this post on Instagram

A post shared by Ajmal Amir (@ajmal_amir)

రంగం సినిమాతో మంచి గుర్తింపు తెచ్చుకున్నాడు అజ్మల్ అమీర్ మంచి గుర్తింపు తెచ్చుకున్నాడు. ఆ తర్వాత రచ్చ, అభినేత్రి2, వ్యూహం, అమ్మ రాజ్యంలో కడప బిడ్డలు, బడ్డీ, గోట్‌ తదితర సినిమాలతో ఆడియెన్స్ కు బాగా చేరువయ్యాడు. ముఖ్యంగా వ్యూహం, అమ్మరాజ్యంలో కడప బిడ్డలు సినిమాల్లో మాజీ సీఎం వైఎస్ జగన్మోహన్ రెడ్డి పాత్రలు పోషించి తెలుగు ఆడియెన్స్ కు దగ్గరైపోయాడు.