Pushpa: పుష్ప సినిమా పై మరో బజ్.. పుష్పరాజ్ అన్న పాత్రలో ఫేమస్ యాక్టర్..

స్టైలీష్ స్టార్ అల్లు అర్జున్ ప్రధాన పాత్రలో సుకుమార్ దర్శకత్వంలో తెరకెక్కుతున్న సినిమా పుష్ప. ఎర్ర చందనం స్మగ్లింగ్ నేపథ్యంలో తెరకెక్కుతున్న ఈ సినిమాలో బన్నీ లారీ డ్రైవర్ పుష్ప రాజ్ పాత్రలో కనిపించబోతున్నారు. ఇందుల అల్లు అర్జున్ సరసన రష్మిక మందన హీరోయిన్‏గా నటిస్తోంది. మైత్రీ మూవీ మేకర్స్ నిర్మిస్తున్న ఈ సినిమాలో బన్నీ పూర్తిగా డీ గ్లామర్ లుక్కులో కనిపించబోతుండడంతో అభిమానులు పుష్ప సినిమా కోసం ఆసక్తిగా ఎదురుచూస్తున్నారు. ఇప్పటికే ఈ మూవీ నుంచి విడుదలైన పోస్టర్స్, పుష్పరాజ్ ఇంట్రడ్యూసింగ్ వీడియో, దాక్కో దాక్కో మేక సాంగ్ నెట్టింట్లో రికార్డ్స్ క్రియేట్ చేస్తున్నాయి. పాన్ ఇండియా లెవల్లె రెండు భాగాలుగా తెరకెక్కుతున్న ఈ సినిమా ఫస్ట్ పార్ట్ పుష్ప ది రైజ్ పేరుతో ఈ ఏడాది విడుదల కానున్నట్లుగా తెలుస్తోంది. ఇందులో అల్లు అర్జున్‏కు ప్రతినాయకుడి పాత్రలో మలయాళ స్టార్ హీరో ఫాహద్ ఫసిల్ నటిస్తుండగా.. ప్రకాష్ రాజ్, జగపతి బాబు, సునీల్, యాంకర్ అనసూయ భరద్వాజ్ కీలక పాత్రలలో నటిస్తున్నారు.

తాజాగా ఈ మూవీ నుంచి ఇంట్రెస్టింగ్ అప్‏డేట్ ఒకటి ఫిల్మ్ సర్కిల్లో చక్కర్లు కొడుతుంది ఇందులో పుష్పరాజ్ అన్న పాత్రలో పాపులర్ యాక్టర్ అజయ్ నటిస్తున్నట్లుగా తెలుస్తోంది. పుష్ప సినిమాలో అజయ్ ఓ పోలీస్ ఆఫీసర్ పాత్రలో కనిపించబోతున్నట్లుగా టాక్. తెలుగు చిత్రపరిశ్రమలో అజయ్ స్థానం ప్రత్యేకం. ఇప్పటివరకు ఎన్నో సినిమాల్లో హీరో స్నేహితుడిగా.. విలన్ పాత్రలలో నటించిన గుర్తింపు పొందాడు అజయ్. తాజాగా ఈ టాలెంటెడ్ యాక్టర్ పుష్ప సినిమాలోనూ భాగం కాబోతున్నాడు. ప్రస్తుతం ఈ సినిమా షూటింగ్ హైదరాబాద్‏లో శరవేగంగా జరుగుతుంది. ఈ మూవీకి దేవి శ్రీ ప్రసాద్ సంగీతం అందిస్తున్నాడు.

Also Read: Sonu Sood: ఎస్కలేటర్ పై సోనూసూద్ విన్యాసాలు.. అదుర్స్ అంటున్న నెటిజన్స్.. వీడియో వైరల్.

Jagapathi Babu: లెజెండ్ సినిమాలో నాకు అన్యాయం జరిగింది.. జగపతి బాబు సంచలన వ్యాఖ్యలు..

Megastar Chiranjeevi: మెగాస్టార్ చిరంజీవి-బాబీ సినిమా నుంచి ఇంట్రెస్టింగ్ అప్‏డేట్.. టైటిల్ ఫిక్స్ చేసిన మేకర్స్…