Khaidi Movie: చిరంజీవి కెరీర్కు టర్నింగ్ పాయింట్.. బ్లాక్ బస్టర్ హిట్ ఖైదీ చిత్రాన్ని మిస్ అయిన స్టార్ హీరో ఎవరంటే..
మెగాస్టార్ చిరంజీవి కెరీర్ మలుపు తిప్పిన సినిమా ఖైదీ. ఈ మూవీ విడుదలై నేటికి 42 సంవత్సరాలు పూర్తయ్యాయి. టాలీవుడ్ ఫిల్మ్ ఇండస్ట్రీ రూపు రేఖలు మార్చిన కల్ట్ క్లాసిక్ మూవీ ఇది. కోదండరామిరెడ్డి దర్శకత్వం వహించిన ఈ సినిమా భారీ విజయాన్ని సాధించిన సంగతి తెలిసిందే.
Updated on: Oct 28, 2025 | 3:31 PM
టాలీవుడ్ ఇండస్ట్రీలో ఇప్పటికీ బ్యాక్ టూ బ్యాక్ సినిమాలతో అలరిస్తున్నారు మెగాస్టార్ చిరంజీవి. ఎలాంటి ఫిల్మ్ బ్యాగ్రౌండ్ సపోర్ట్ లేని ఓ సాధారణ అబ్బాయి ఇండస్ట్రీలోకి అడుగుపెట్టి తనదైన ముద్ర వేశారు. చిరును మెగాస్టార్ చేసిన సినిమా ఖైదీ. తెలుగు సినిమా ప్రపంచంలో ఈ చిత్రానికి ప్రత్యేక చరిత్ర ఉంది. ఈ సినిమా మెగాస్టార్ చిరంజీవి కెరీర్ కు టర్నింగ్ పాయింట్ గా నిలిచింది. ఈ మూవీ విడుదలై 42 సంవత్సరాలు పూర్తైంది. 1982 అక్టోబర్ 28న విడుదలైన ఈ సినిమా అప్పట్లో భారీ విజయాన్ని అందుకుంది. ముఖ్యంగా చిరంజీవి కెరీర్ మలుపు తిప్పిన సినిమా ఇది. అప్పట్లోనే మాస్ అటిడ్యూడ్, యాక్షన్ సీక్వెన్స్ లతో ఈ చిత్రాన్ని సరికొత్తగా తెరకెక్కించారు డైరెక్టర్ కోదండరామిరెడ్డి. ఇందులో చిరు యాక్టింగ్, మాస్ మేనరిజం జనాలను ఊర్రూతలూగించాయి. ఈ సినిమా విడుదలై 42 ఏళ్లు పూర్తైన సందర్భంగా చిరంజీవి టీమ్ స్పెషల్ వీడియో విడుదల చేసింది.
“తెలుగు సినిమా చరిత్రలో మార్పు తీసుకొచ్చిన పేరు ఖైదీ” అంటూ షేర్ చేసిన ఆ వీడియోలో చూపించిన సన్నివేశాలు అభిమానుల్లో మరోసారి ఖైదీ జ్ఞాపకాలను గుర్తుచేశాయి. ఈ సినిమాకు ఇప్పటికీ సెపరేట్ ఫ్యాన్ బేస్ ఉంది. అయితే మీకు తెలుసా.. ఈ బ్లాక్ బస్టర్ హిట చిత్రాన్ని మిస్ చేసుకున్న స్టార్ హీరో ఎవరో.. అవును.. మొదట ఈసినిమా కథను సూపర్ స్టార్ కృష్ణ కోసం అనుకున్నారట. కానీ ఆయన చేయలేకపోవడంతో ఆ అవకాశం చిరు వరకు వచ్చింది. ఈ చిత్రానికి ముందుగా డెరెక్టర్ రాఘవేంద్రరావు పేరు పరిశీలించగా.. చివరకు డైరెక్టర్ కోదండరామిరెడ్డి ఈ సినిమాకు దర్శకత్వం వహించారు. ఈ చిత్రానికి కథ, డైలాగ్స్ అన్నింటిని చిరు బాడీ లాంగ్వేజ్ కు అచ్చుగుద్దినట్లు అందించారు పరిచూరి బ్రదర్స్.
ఈ చిత్రాన్ని 1982లో వచ్చిన రాంబో సిరీస్ మొదటి భాగంగా వచ్చిన హాలీవుడ్ క్లాసిక్ మూవీ ఫస్ట్ బ్లడ్ ఆధారంగా తెరకెక్కించారు. ఈ సినిమాకు ఇప్పటికీ ప్రత్యేక ఫ్యాన్ బేస్ ఉంది. కేవలం 25 లక్షలతో నిర్మించిన ఈ సినిమా మొత్తం 70 లక్షలు వసూలు చేసింది. ఈ చిత్రానికి రూ.1.75 లక్షల పారితోషికం తీసుకున్నారు. 20 కేంద్రాల్లో దాదాపు 100 రోజులు.. 5 కేంద్రాల్లో 200 రోజులు, 2 కేంద్రాల్లో 365 రోజులు ప్రదర్శించారు. ఈ సినిమా 100 రోజుల వేడుకకు సూపర్ స్టార్ కృష్ణ ముఖ్య అతిథిగా హాజరై చిరును అభినందించారు.
ఇవి కూడా చదవండి : Actress : నాగార్జున, రజినీకాంత్తో సినిమాలు.. ఇప్పటికీ తగ్గని క్రేజ్.. ఈ చిన్నారి నాట్యమయూరి ఎవరో గుర్తుపట్టారా..?
