Watch Video: తగ్గేదేలే.. పుష్పరాజ్ డైలాగ్‌కు టిక్‌టాక్ దుర్గారావు యాక్షన్.. నెటిజన్స్ రియాక్షన్ ఏంటో తెలుసా?

Tiktok Star Durga Rao: టిక్ టాక్ అనే యాప్ ద్వారా చాలా మంది తమలో దాగి ఉన్న యాక్టింగ్ టాలెంట్‌ను, కామెడీ టాలెంట్‌ను బయటపెట్టారు. చాలా మంది ఈ యాప్ ద్వారా ఫేమస్ కూడా అయ్యారు. చాలా మందికి భారీ..

Tiktok Star Durga Rao

Venkata Chari |
Updated on: Jan 07, 2022 | 1:46 PM

Tiktok Durga Rao: టిక్ టాక్ అనే యాప్ ద్వారా చాలా మంది తమలో దాగి ఉన్న యాక్టింగ్ టాలెంట్‌ను, కామెడీ టాలెంట్‌ను బయటపెట్టారు. చాలా మంది ఈ యాప్ ద్వారా ఫేమస్ కూడా అయ్యారు. చాలా మందికి భారీ సంఖ్యలో అభిమానులను కూడా సంపాదించుకున్నారు. వారిలో దుర్గారావు కూడా ఉంటాడు. దుర్గారావు తన డ్యాన్స్‌లతో నెటిజన్లను ఆకట్టుకోవడంలో ముందున్నాడు. ముఖ్యంగా ’పలాస’ సినిమాలో ”మీ బావగారు వచ్చేటి వేళ ” అనే పాటకు తనదైన స్టైల్ లో డ్యాన్స్ వేసి చాలా పాపులర్ అయ్యాడు.

తాజాగా పుష్ప సినిమాలో ఓ డైలాగ్‌ను తన స్టైల్‌ టచ్ ఇచ్చాడు. పుష్ప సినిమాలో అల్లు అర్జున్ చెప్పిన ఓ డైలాగ్ ‘పుష్ప.. పుష్పరాజ్.. నీయవ్వ తగ్గేదేలే.. పుష్ప అంటే ఫ్లవరనుంకుంటివా.. ఫైరో’ అంటూ స్టైలీష్ స్టార్ అల్లు అర్జున్‌ను ఇమిటేట్ చేసి, ఈ వీడియోను ఇన్‌స్టాలో షేర్ చేశాడు. దీంతో ఈ వీడియోను చూసిన నెటిజన్లు కామెంట్లతో దుర్గారావును ఆడుకుంటున్నారు. కొంతమంది మంది మాత్రం బాగుంది అంటూ కామెంట్లు చేయగా, మరికొందరు మాత్రం తీవ్రంగా విమర్శిస్తూ కామెంట్లు చేశారు.

ఎక్కడ దొరికారంటూ ఓ యూజర్ కామెంట్ చేయగా, దయచేసి ఈ వీడియోను డిలీట్ చేయండి అంటూ మరో యూజర్ కామెంట్ చేశాడు. అరే బాబు అల్లు అర్జున్ పరువు తీయకండి అంటూ ఇంకొందరు కామెంట్ చేశారు. రెండు రోజుల క్రితం అప్‌లోడ్ చేసిన ఈ వీడియోకు 17 వేలకు పైగా లైక్స్ వచ్చాయి. కామెంట్లు కూడా బాగానే వస్తున్నాయి. అయితే ఎవరు ఎలాంటి కామెంట్లు చేసినా, తన స్టైల్‌లో వీడియోలు చేసుకుంటూ కొన్ని వర్గాలకు ఎంటర్టైన్‌మెంట్ చేస్తుంటారు.