అక్కినేని యంగ్ హీరో సరసన ఏకంగా ముగ్గురు హీరోయిన్లు.. ఏ సినిమా కోసమంటే…

అక్కినేని యాంగ్ హీరో నాగచైతన్య ప్రస్తుతం శేఖర్ కమ్ముల దర్శకత్వంలో ‘లవ్ స్టోరీ’ అనే సినిమా చేస్తున్న విషయం తెలిసిందే. ఈ సినిమా షూటింగ్ కరోనా కారణంగా వాయిదా పడి ఇటీవలే తిరిగి మొదలైంది. ఈ సినిమా తర్వాత    ‘థ్యాంక్యూ’ సినిమాను అనౌన్స్ చేసాడు చైతన్య . విక్రమ్ కుమార్ దర్శకత్వంలో రూపొందబోతున్న ఈ సినిమాను దిల్ రాజు నిర్మించబోతున్నాడు.

ఈ నెలలో సినిమాను పట్టాలెక్కించబోతున్నట్లు తెలుస్తుంది. కథానుసారంగా ఈ సినిమాలో హీరో ఒక పల్లెటూరు వ్యక్తిగా మరియు ఎన్నారై గా కూడా కనిపించబోతున్నాడట. చైతూకు జోడీగా ఈ సినిమాలో ఏకంగా ముగ్గురు ముద్దుగుమ్మలు నటించబోతున్నట్లుగా వార్తలు వస్తున్నాయి. ఇప్పటికే ఇద్దరు ముద్దుగుమ్మలను ఎంపిక చేసిన దర్శకుడు మూడవ హీరోయిన్ విషయమై చర్చలు జరుపుతున్నాడట. ఇప్పటికే మనం సినిమాతో చైతూ మరియు విక్రమ్ ల కాంబో ప్రేక్షకుల ముందుకు వచ్చింది. ఈ సినిమా మంచి విజయాన్ని అందుకుంది దాంతో ఇప్పుడు రాబోయే సినిమా పైన అంచనాలు నెలకొన్నాయి.