96 మేజిక్ రిపీట్ కానుందా!

Vijay Sethupathi 96 Combo Once Again: తమిళ హీరో విజయ్ సేతుపతి, త్రిష జంటగా నటించిన చిత్రం ’96’. 2018లో రిలీజ్ అయిన ఈ చిత్రం మంచి విజయాన్ని సొంతం చేసుకుంది. అంతేకాకుండా విజయ్ సేతుపతి కెరీర్‌లో ఇది గుర్తుండిపోయే సినిమా. రీసెంట్ టైమ్స్ లో ప్యూర్ ల‌వ్‌స్టోరీగా జ‌నాల‌ను మెప్పించిన చిత్ర‌మిది. ఈ సినిమాకు సి.ప్రేమ్ కుమార్ దర్శకత్వం వహించారు. ఇన్నాళ్లకు మళ్లీ ఈ ఇద్దరి కాంబినేషన్ రిపీట్ కాబోతోందని టాక్. తాజాగా ప్రేమ్ కుమార్ చెప్పిన ఓ కథకు విజయ్ సేతుపతి గ్రీన్ సిగ్నల్ ఇచ్చాడని తెలుస్తోంది. ఈ సారి మ‌రిన్ని ట్విస్టుల‌తో సినిమా చేయ‌నున్న‌ట్టు కోలీవుడ్ వర్గాల సమాచారం‌. త్వరలోనే ఈ సినిమాపై అధికారిక ప్రకటన వెలువడే అవకాశాలు ఉన్నాయట.