Adipurush: అయోధ్యలో ‘ఆదిపురుష్’.. డార్లింగ్ సినిమా కోసం భారీ ఏర్పాట్లు..
పాన్ ఇండియా స్టార్ ప్రభాస్ నటిస్తున్న ప్రతిష్టాత్మక చిత్రం "ఆదిపురుష్". రామాయణ ఇతిహాస నేపథ్యంతో దర్శకుడు ఓంరావత్ ఈ చిత్రాన్ని రూపొందిస్తున్నారు. కృతి సనన్ నాయికగా నటిస్తోంది.
Updated on: Sep 29, 2022 | 10:18 AM
పాన్ ఇండియా స్టార్ ప్రభాస్ నటిస్తున్న ప్రతిష్టాత్మక చిత్రం “ఆదిపురుష్”. రామాయణ ఇతిహాస నేపథ్యంతో దర్శకుడు ఓంరావత్ ఈ చిత్రాన్ని రూపొందిస్తున్నారు. కృతి సనన్ నాయికగా నటిస్తోంది. సైఫ్ అలీఖాన్, సన్నీ సింగ్ ఇతర కీలక పాత్రలు పోషిస్తున్నారు. అత్యున్నత సాంకేతిక విలువలతో భారీ బడ్జెట్ తో టీ సిరీస్, రెట్రో ఫైల్స్ సంస్థలు ఈ సినిమాను నిర్మిస్తున్నాయి. ఆదిపురుష్ అప్ డేట్ కోసం ప్రభాస్ అభిమానులతో పాటు సినీ ప్రియులు ఎంతగానో ఎదురుచూస్తున్నారు. వారి నిరీక్షణకు తెరదించుతూ ఆదిపురుష్ టీజర్ పోస్టర్ రిలీజ్ డేట్ ను చిత్ర బృందం అనౌన్స్ చేశారు.
అక్టోబర్ 2న శ్రీరాముడు జన్మించిన అయోధ్యలో ఆదిపురుష్ టీజర్ విడుదల వేడుక జరగనుంది. ఈ కార్యక్రమానికి భారీ ఎత్తున ఏర్పాట్లు చేస్తున్నారు. ఈ కార్యక్రమానికి హాజరయ్యేందుకు డార్లింగ్ ఫ్యాన్స్ అంతా అయోధ్యకు బయలుదేరుతున్నారు. తమ అభిమాన హీరోను, ఆయన సినిమా టీజర్ ను చూసేందుకు అయోధ్యకు పయనం అవుతున్నారు. ఇక చాలా కాలంగా ప్రభాస్ సినిమా కోసం ఎదురుచూస్తున్నారు. ఈ మధ్య వచ్చిన రాధేశ్యామ్ సినిమా ఫ్యాన్స్ ఎక్స్పెటెషన్స్ ను రీచ్ కాలేకపోయింది. పిరియాడికల్ లవ్ స్టోరీగా వచ్చిన రాధేశ్యామ్ సినిమాలో లవర్ బాయ్ గా కనిపించి ఆకట్టుకున్నాడు డార్లింగ్. ఇక ఇప్పుడు రాముడుగా ఆకట్టుకోనున్నాడు.
ప్రభాస్, కృతి సనన్, దర్శకుడు ఓం రావత్ తో పాటు ఇతర చిత్ర బృందం పాల్గొననున్నారు. వచ్చే ఏడాది సంక్రాంతి పర్వదినం సందర్భంగా జనవరి 12న ఆదిపురుష్ సినిమాను ప్రపంచవ్యాప్తంగా భారీ ఎత్తున విడుదల చేయబోతున్నారు. ఐమాక్స్ ఫార్మేట్ తో పాటు త్రీడీలో ఈ సినిమా తెర పైకి రానుంది.
మరిన్ని సినిమా వార్తల కోసం క్లిక్ చేయండి..
