Simbu: పెళ్లికి సిద్ధమైన స్టార్ హీరో.. ఆ దేశ బడా వ్యాపారవేత్త కూతురితో వివాహం ?..
ఇప్పటికే అనేక సార్లు ఈ హీరో పెళ్లికి సంబంధించిన వార్తలు నెట్టింట వైరలయ్యాయి. ఇప్పుడు మరోసారి శింబు పెళ్లి ప్రస్తావన వినిపిస్తోంది.
తమిళ్ స్టార్ హీరో శింబు క్రేజ్ గురించి చెప్పక్కర్లేదు. కోలీవుడ్ ఇండస్ట్రీలోనే కాకుండా.. టాలీవుడ్లోనూ అభిమానులు ఉన్నాయి. వల్లభ, మన్మధ వంటి హిట్ చిత్రాలతో తెలుగు ప్రేక్షకులకు దగ్గరయ్యాడు శింబు. కేవలం నటుడిగానే కాకుండా.. గాయకుడిగా.. సంగీత దర్శకుడిగా.. రచయితగానూ ఈహీరోకు మంచి గుర్తింపు ఉంది. తెలుగులోనూ అనేక సూపర్ హిట్ సాంగ్స్ ఆలపించి మెప్పించాడు. అయితే సినిమాలతోనే కాదు.. వ్యక్తిగత విషయాలతోనూ నిత్యం వార్తలలో నిలుస్తుంటాడు ఈ హీరో. లవ్ ఎఫైర్స్, డేటింగ్ రూమర్స్ ఎక్కువగా వినిపిస్తుంటాయి. గతంలో తెలుగు, తమిళ్ హీరోయిన్లతో శింబు ప్రేమాయణం నడిపినట్లుగా టాక్ నడించింది. అలాగే వారితో క్లోజ్ గా ఉన్న ఫోటోస్ అప్పట్లో ఇండస్ట్రీలో పెద్ద దుమారమే రేపాయి. తాజాగా శింబు పెళ్లి చేసుకోబోతున్నట్లుగా సమాచారం. ఇప్పటికే అనేక సార్లు ఈ హీరో పెళ్లికి సంబంధించిన వార్తలు నెట్టింట వైరలయ్యాయి. ఇప్పుడు మరోసారి శింబు పెళ్లి ప్రస్తావన వినిపిస్తోంది.
లేటేస్ట్ సమాచారం ప్రకారం శ్రీలంకకు చెందిన బడా వ్యాపారవేత్త కూతురితో శింబు ఏడడుగులు వేయబోతున్నాడని సమాచారం. ఆమెతో ఈ హీరో కొంతకాలంగా ప్రేమలో ఉన్నాడని.. ఆ అమ్మాయి ఓ మెడికల్ స్టూడెంట్ అని తెలుస్తోంది. ఆమె తండ్రికి శ్రీలంకలో పలు వ్యాపార సంస్థలు ఉన్నాయని.. అయితే ఆ అమ్మాయి శింబుకు వీరాభిమాని కావడం… ఈ క్రమంలోనే ఓసారి శింబును కలవడం..వీరిద్దరి మధ్య ఏర్పడిన పరిచయం కాస్త ప్రేమగా మారి.. పెళ్లి వరకు వచ్చినట్లుగా కోలీవుడ్ ఇండస్ట్రీలో టాక్ వినిపిస్తోంది.
ఇక వీరి పెళ్లికి కూడా ఇరు కుటుంబాల సభ్యులు గ్రీన్ సిగ్నల్ ఇచ్చారట. త్వరలోనే వీరి వివాహానికి సంబంధించిన పూర్తి వివరాలను ప్రకటించనున్నారని తెలుస్తోంది. త్వరలోనే తన కుమారుడు శింబు పెళ్లి చేసుకోబోతున్నట్లు ఆయన తండ్రి డి. రాజేంద్రన్ గతంలో ఓ ఇంటర్వ్యూలో బయటపెట్టాడు. ఇదే సమయంలో శింబు పెళ్లి గురించిన వార్తలు వినిపించడంతో.. ఈసారి నిజంగానే శింబు ఓ ఇంటివాడు కాబోతున్నట్లుగా తెలుస్తోంది.
