Sara Ali Khan: సారా అలీ ఖాన్ ఫిట్‌నెస్ సెగలు.. మిడ్-వీక్ మోటివేషన్‌తో కేక పెట్టిస్తోన్న స్టార్!

గ్లామర్ ప్రపంచంలో తనకంటూ ప్రత్యేక గుర్తింపు తెచ్చుకున్న ఆ స్టార్ కిడ్, ఇప్పుడు తన ఫిట్‌నెస్ మంత్రంతో నెటిజన్లను ఆశ్చర్యపరుస్తోంది. ఒకప్పుడు అధిక బరువుతో ఇబ్బంది పడి, ఆ తర్వాత తన పట్టుదలతో జీరో సైజ్ నుంచి పర్ఫెక్ట్ ఫిగర్ వరకు ఎదిగిన ఆ నటి ప్రయాణం ఎందరికో స్ఫూర్తిదాయకం. 2026లో తన ఫిట్‌నెస్ లక్ష్యాలను చేరుకోవడంలో ఆమె అస్సలు తగ్గడం లేదు. తాజాగా ఆమె ట్రైనర్ నమ్రతా పురోహిత్ షేర్ చేసిన వీడియోలో ‘పైలేట్స్ రీఫార్మర్’ పై ఆమె చేస్తున్న విన్యాసాలు చూస్తుంటే మైండ్ బ్లాక్ అవ్వాల్సిందే. అత్యంత ఫిట్‌గా, టోన్డ్ బాడీతో మెరిసిపోతున్న ఆ స్టార్ హీరోయిన్ మరెవరో కాదు.. సారా అలీ ఖాన్.

పైలేట్స్ రీఫార్మర్ అంటే..

సాధారణ వర్కవుట్ల కంటే పైలేట్స్ భిన్నంగా ఉంటుంది. ఇందులో వాడే రీఫార్మర్ మెషీన్ శరీరానికి అవసరమైన ప్రతిఘటనను అందిస్తుంది. సారా అలీ ఖాన్ ఈ వర్కవుట్ చేస్తున్న తీరును చూస్తుంటే ఆమె బాడీ ఎంత ఫ్లెక్సిబుల్ గా ఉందో అర్థమవుతుంది. “సారా కంటే మెరుగైన మిడ్-వీక్ మోటివేషన్ ఇంకొకటి ఉండదు” అంటూ ఆమె ట్రైనర్ ప్రశంసల జల్లు కురిపించారు.

ఫిట్‌నెస్ నిపుణురాలు గరిమా గోయల్ ప్రకారం, పైలేట్స్ కేవలం బరువు తగ్గడానికి మాత్రమే కాదు, శరీర అంతర్గత బలానికి ఎంతో మేలు చేస్తుంది. కండరాలను బలోపేతం చేస్తూనే కీళ్లపై ఎలాంటి ఒత్తిడి పడకుండా పైలేట్స్ రక్షణ కల్పిస్తుంది. ముఖ్యంగా మోకాళ్లు, నడుము భాగం దృఢంగా మారడానికి ఇది ఎంతగానో సహకరిస్తుంది. వయసు పెరుగుతున్న కొద్దీ శరీర సమతుల్యతను కాపాడుకోవడం చాలా ముఖ్యం. పైలేట్స్ వల్ల శరీర బ్యాలెన్స్ మెరుగుపడుతుంది.

రీఫార్మర్ పై చేసే నియంత్రిత కదలికలు శరీరంలోని బిగువును తగ్గిస్తాయి. దీర్ఘకాలంగా ఉన్న కండరాల అసమతుల్యతను సరిచేయడానికి ఇది దోహదపడుతుంది. శరీరాన్ని అలసటకు గురి చేయడం కంటే, శరీరం ఎలా కదలాలి, ఎలా నిలబడాలి అనే అంశాలపై పైలేట్స్ అవగాహన కల్పిస్తుంది. లోపలి నుండి శరీరానికి ఒక బలమైన మద్దతు లభిస్తున్న అనుభూతిని ఇది ఇస్తుంది. సారా అలీ ఖాన్ చేస్తున్న ఈ పైలేట్స్ వర్కవుట్ కేవలం గ్లామర్ కోసం మాత్రమే కాదు, సంపూర్ణ ఆరోగ్యం కోసం అని అర్థమవుతోంది. మీరు కూడా మీ 2026 ఫిట్‌నెస్ గోల్స్ నుంచి పక్కకు తప్పుకోవాలని అనుకుంటుంటే, ఒక్కసారి సారా అలీ ఖాన్ వర్కవుట్ వీడియో చూడండి. ఆ ఉత్సాహం మీకు కూడా వస్తుంది.