RRR: త్వరలోనే ఎన్టీఆర్ ఫస్ట్ లుక్..!

ఎన్టీఆర్, రామ్ చరణ్‌లతో దర్శకధీరుడు రాజమౌళి తెరకెక్కిస్తోన్న భారీ బడ్జెట్ చిత్రం ‘ఆర్ఆర్ఆర్’. ఫిక్షన్ కథాంశంతో తెరకెక్కుతోన్న ఈ చిత్రంలో ఎన్టీఆర్ కొమరం భీం, చెర్రీ అల్లూరి సీతారామరాజు పాత్రలో కనిపించనున్నారు. ప్రస్తుతం షూటింగ్ జరుపుకుంటున్న ఈ చిత్రం వచ్చే ఏడాది ప్రేక్షకుల ముందుకు రానుంది. ఇదిలా ఉంటే ఈ మూవీ గురించి ఓ ఆసక్తికర వార్త ఇప్పుడు ఫిలింనగర్‌లో హల్‌చల్ చేస్తోంది. అదేంటంటే ఈ మూవీ నుంచి ఎన్టీఆర్ లుక్‌ను మొదట విడుదల చేయాలనుకుంటున్న చిత్ర బృందం.. అందుకు అక్టోబర్ 22న ముహూర్తం ఫిక్స్ చేసినట్లు సమాచారం. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.

కాగా ఈ చిత్రంలో చెర్రీ సరసన అలియా భట్ నటిస్తుండగా.. ఎన్టీఆర్ కోసం హాలీవుడ్ భామతో సంప్రదింపులు జరుపుతున్నారు. సముద్ర ఖని, అజయ్ దేవగన్, రాహుల్ రామకృష్ణ తదితరులు కీలక పాత్రలలో నటించనున్నారు. డీవీవీ దానయ్య నిర్మిస్తోన్న ఈ చిత్రానికి కీరవాణి సంగీతం అందించనున్నాడు. వచ్చే ఏడాది జూలై 30న ఈ చిత్రం ప్రపంచవ్యాప్తంగా విడుదల కానుంది.