కల్కి ఎందుకీ డైలమా..?

సీనియర్ నటుడు రాజశేఖర్ ప్రధాన పాత్రలో ‘అ’ ఫేమ్ ప్రశాంత్ వర్మ తెరకెక్కిస్తున్న చిత్రం ‘కల్కి’. ఈ చిత్రం షూటింగ్ పూర్తి చేసుకుని పోస్ట్ ప్రొడక్షన్ వర్క్ శరవేగంగా జరుపుకుంటోంది. రీసెంట్‌గా రిలీజైన చిత్ర ట్రైలర్ ప్రేక్షకులను ఆకట్టుకుంది. పూర్తి స్థాయి యాక్షన్ ఎంటర్టైనర్‌గా రూపొందుతున్న ఈ చిత్రాన్ని మే 31న విడుదల చేస్తున్నట్లు ప్రకటించింది చిత్ర యూనిట్. కానీ ఇంతలోనే ఏమైందో అనూహ్యంగా వాయిదా వేశారని ప్రచారం చేశారు.

మరోవైపు ‘అభినేత్రి 2’, సూర్య ‘ఎన్జీకే’, ‘ఫలక్‌నుమా దాస్’ సినిమాలు మే 31న రిలీజ్ కానున్నాయి. ఇక వీటిల్లో సూర్య ‘ఎన్జీకే’ పెద్ద సినిమా అని చెప్పాలి. అయితే వీటన్నిటికంటే ‘కల్కి’ క్రేజ్ వేరు. కాగా సూర్య ‘ఎన్జీకే’ చిత్రం రైట్స్ కె.కె. రాధామోహన్  చేజిక్కించుకుని తెలుగు రాష్ట్రాల్లో రిలీజ్ చేస్తున్నారు. అటు కల్కి రైట్స్ కూడా ఆయన చేతిలోనే ఉన్నాయి. ఇక డబ్బింగ్ సినిమా ముందు విడుదల చేసి.. కల్కి సినిమా తర్వాత రిలీజ్ చేయడంలో ఆయన లాజిక్ ఏంటో అర్ధం కావడం లేదని విశ్లేషకులు అంటున్నారు. మరికొందరు అయితే తెలుగు సినిమాకి అన్యాయం?  డబ్బింగుకి న్యాయం? ఇదేంటంటూ ప్రశ్నిస్తున్నారు. చూడాలి మరి ఈ ప్రచారంలో ఎంతవరకు నిజం ఉందో.?