Tollywood : నాకు టెన్నిస్ ఎల్బో సమస్య ఉంది.. నిద్రపోతున్నప్పుడు బ్రేస్ మార్చవద్దని డాక్టర్ చెప్పారు.. టాలీవుడ్ హీరో..

మలయాళీ చిత్ర పరిశ్రమలో అత్యధిక క్రేజ్ ఉన్న స్టార్ అతడు. అయితే ఇటీవల 'డైరా' ప్రమోషన్ల సమయంలో తన చేతికి రిస్ట్ బ్రేస్ ధరించి కనిపించారు. తనకు టెన్నిస్ ఎల్బో సమస్య ఉందని, నిద్రపోతున్నప్పుడు కూడా దానిని మార్చవద్దని డాక్టర్ సలహా ఇచ్చారని అతడు స్పష్టం చేశారు.

Prithviraj Sukumaran

Rajitha Chanti |
Updated on: Sep 20, 2026 | 1:19 PM

పృథ్వీరాజ్ సుకుమారన్ తాజా బాలీవుడ్ చిత్రం ‘డైరా’ విడుదలకు సిద్ధమవుతోంది. కరీనా కపూర్, పృథ్వీరాజ్ నటించిన ఈ చిత్రానికి ప్రముఖ దర్శకురాలు మేఘనా గుల్జార్ దర్శకత్వం వహించారు. సినిమా విడుదలకు ముందు పృథ్వీరాజ్ ప్రెస్ కాన్ఫరెన్స్‌లు, ప్రమోషనల్ ఈవెంట్లలో చురుకుగా పాల్గొంటున్నారు. ఇటీవల జరిగిన ప్రెస్ మీట్‌కు తన ఎడమ చేతికి రిస్ట్ బ్రేస్ ధరించి వచ్చారు. ఆయన చేతికి ఏమైందని విలేకరులు అడగ్గా, పృథ్వీరాజ్ మాట్లాడుతూ తనకు టెన్నిస్ ఎల్బో సమస్య ఉందని అన్నారు. “నాకు టెన్నిస్ ఎల్బోతో చిన్న సమస్య ఉంది. కొన్ని రోజుల పాటు ఈ రిస్ట్ బ్రేస్ ధరించమని డాక్టర్ సలహా ఇచ్చారు. ప్రెస్ మీట్‌కు చేరుకున్నాక దీన్ని తీసేయొచ్చని మొదట అనుకున్నాను. కానీ నిద్రపోతున్నప్పుడు కూడా దీన్ని తీయకూడదని డాక్టర్ ఖచ్చితంగా చెప్పారు” అని అన్నారు. మోచేతిలోని కండరాలపై అధిక ఒత్తిడి పడినప్పుడు వచ్చే ‘టెన్నిస్ ఎల్బో’ లేదా లాటరల్ ఎపికాండిలైటిస్ అనే సమస్య కారణంగా పృథ్వీరాజ్ సపోర్టివ్ బ్యాండేజ్‌ను ఉపయోగిస్తాడు.

టెన్నిస్ ఎల్బో అంటే ఏమిటి?

టెన్నిస్ ఎల్బో అనేది మోచేతులలో తీవ్రమైన నొప్పిని కలిగించే ఒక పరిస్థితి. మన మోచేతులు స్నాయువులు (టెండన్స్) అనే వాటి ద్వారా మన మణికట్టుకు అనుసంధానించబడి ఉంటాయి. ఇవి దెబ్బతిన్నప్పుడు ఈ తీవ్రమైన నొప్పి వస్తుంది. మోచేతుల కండరాలలో వాపు కూడా టెన్నిస్ ఎల్బోకు కారణం కావచ్చు. చేతులతో రోజూ ఒకే రకమైన పని చేయడం వల్ల కూడా ఈ వ్యాధి రావచ్చు.

‘డైరా’ అనేది జంగ్లీ పిక్చర్స్ ,పెన్ స్టూడియోస్ సంయుక్తంగా నిర్మించిన ఒక ఇన్వెస్టిగేటివ్ క్రైమ్ థ్రిల్లర్. ఈ చిత్రంలో పృథ్వీరాజ్, డీసీపీ రమణ్ కుమార్ అనే శక్తివంతమైన పోలీస్ అధికారి పాత్రను పోషిస్తున్నారు. ఈ చిత్రానికి యశ్ కేశవాణి, సీమా అగర్వాల్‌లతో పాటు మేఘనా గుల్జార్ రచన అందించారు. ఈ చిత్రం సెప్టెంబర్ 18న ప్రపంచవ్యాప్తంగా థియేటర్లలో విడుదల కానుంది.

ఎక్కువ మంది చదివినవి : Udaya Bhanu: పస్తులు ఉండి ఇతరులకు అన్నం పెట్టిన గొప్ప వ్యక్తి ఆయన.. చివరకు అలాంటి పరిస్థితుల్లో.. ఉదయభాను ఎమోషనల్..