OTT Movie: ముంబైలో జరిగిన రియల్ స్టోరీ.. ఓటీటీ టాప్ ట్రెండింగ్‌లో క్రైమ్ థ్రిల్లర్ సిరీస్.. తెలుగులోనూ చూడొచ్చు

గత వారం పలు కొత్త సినిమాలు, ఆసక్తికర వెబ్ సిరీస్ లు స్ట్రీమింగ్ కు వచ్చాయి. తెలుగుతో పాటు హిందీ, తమిళం, కన్నడ, మలయాళం భాషలకు చెందిన సినిమాలు, వెబ్ సిరీస్ లు ఇప్పుడు వివిధ ఓటీటీ ప్లాట్ ఫామ్స్ లో సందడి చేస్తున్నాయి. ఉస్తాద్ భగత్ సింగ్, యూత్, సుయోధన, సంభవం అధ్యాయం పన్ను, అలా చేరే సీతారాముని చెంతకు, టోస్టర్ వంటి సినిమాలు, పోచమ్మ వంటి ఆసక్తికర వెబ్ సిరీస్ లు కూడా ఓటీటీ ఆడియెన్స్ ను అలరిస్తున్నాయి. అయితే గత వారమే ఓటీటీలోకి వచ్చిన ఓ క్రైమ్ థ్రిల్లర్ సిరీస్ ఇప్పుడు టాప్ ట్రెండింగ్ లో దూసుకుపోతోంది. హిందీలో రిలీజైన తెలుగులోనూ ఈ సిరీస్ స్ట్రీమింగ్ అవుతోంది. ఈ సిరీస్ కథ విషయానికి వస్తే.. ఇదొక రియల్ మాఫియా స్టోరీ. ముంబై మాఫియా, జూదం నేపథ్యంలో ఈ వెబ్ సిరీస్ ను నిర్మించారు. అక్కడ జూదంలో రియల్ మాట్కా కింగ్స్ గా పేరు మోసిన రతన్ ఖత్రీ, కళ్యాణ్ జీ భగత్ జీవిత కథల ఆధారంగా ఈ వెబ్ సిరీస్ ను రూపొందించారు. బ్రిజ్ భట్టి ఒక సాధారణ వ్యక్తి నుంచి మట్కా సామ్రాజ్యానికి అధిపతిగా ఎలా ఎదిగాడన్నది ఈ సిరీస్ లో మెయిన్ పాయింట్. తన బాస్ లాల్‌జీ భాయ్ (గుల్షన్ గ్రోవర్) నీడ నుంచి బయటకు వచ్చి, తనకంటూ ఒక ప్రత్యేక గుర్తింపును బ్రిజ్ సంపాదించుకుంటాడు. లాల్‌జీకి నీతి నియమాలు లేకపోయినా, బ్రిజ్ మాత్రం జూదంలో కూడా ‘నిజాయతీ’ ఉండాలనుకుంటాడు. పేదవారికి అండగా ఉంటూనే, అక్కడి జూదరుల వ్యవస్థను ఎదిరించి తన సామ్రాజ్యాన్ని ఎలా నిర్మించాడు అన్నదే ఈ సిరీస్ కథ.

తమన్నా మాజీ బాయ్ ఫ్రెండ్ విజయ్ వర్మ నటించిన ఈ వెబ్ సిరీస్ పేరు మట్కాకింగ్. నాగరాజ్ మంజులే తెరకెక్కించిన ఈ మాఫియా థ్రిల్లర్ సిరీస్ లో క్రితికా కామ్రా, గుల్షన్ గ్రోవర్, సిద్ధార్థ్ జాదవ్ తదితరులు ప్రధాన పాత్రలు పోషించారు. ప్రస్తుతం ఈ సిరీస్ అమెజాన్ ప్రైమ్ వీడియోలో స్ట్రీమింగ్ అవుతోంది. హిందీతో పాటు తెలుగు తదితర భాషల్లోనూ ఈ సిరీస్ అందుబాటులో ఉంది. ప్రస్తుతం ఓటీటీ టాప్ ట్రెండింగ్ లో ఉన్న ఈ సిరీస్ ను చూసి నెటిజన్లు తమ అభిప్రాయాలను పంచుకుంటున్నారు. చాలా మంది ఈ సిరీస్ ‘స్కామ్ 1992’ వంటి షోలను గుర్తుకు తెస్తుందని కామెంట్స్ చేస్తున్నారు. వీకెండ్ లో మంచి థ్రిల్లర్ సిరీస్ చూడాలనుకునేవారికి మట్కాకింగ్ ఓ మంచి ఛాయిస్ అని చెప్పవచ్చు.

ఇవి కూడా చదవండి

మనవళ్లు, మనవరాళ్లతో నటుడు రాజా రవీంద్ర.. ఫ్యామిలీ ఫొటోస్ ఇదిగో

హీరో కావాలనుకున్న పరుచూరి వెంకటేశ్వరరావు కుమారుడు ఎలా చనిపోయాడు?

జేడీ చక్రవర్తి భార్య తెలుగులో ఫేమస్ హీరోయిన్ అని తెలుసా?

నిశ్చితార్థం చేసుకున్న అలియా సోదరి.. ఫొటోస్ వైరల్.. వరుడు ఎవరంటే?

అమెజాన్ ప్రైమ్ లో మట్కాకింగ్.. తెలుగులోనూ స్ట్రీమింగ్..

Just binged Matka King on Prime! Vijay Varma as Brij Bhatti is pure fire — magnetic, intense aur full swag mein series pakad li. Kritika Kamra ki beauty + sharp acting ekdam killer hai, especially uska elegant & strong look! Sai Tamhankar ne bhi solid kiya. Gulshan Grover,… pic.twitter.com/QDVDGoMgLI

— prabhat malviya (@prabhatmalviyaa) April 18, 2026

మరిన్ని సినిమా వార్తల కోసం ఇక్కడ క్లిక్ చేయండి.