OTT Movie: తల్లి మళ్లీ పెళ్లి చేసుకుంటే తప్పేంటి? ఓటీటీలోకి విజయ్ ఆంటోని లేటెస్ట్ సినిమా.. స్ట్రీమింగ్ ఎక్కడంటే?

బిక్షగాడు లాంటి సూపర్ హిట్ సినిమా తర్వాత హీరో విజయ్ ఆంటోనీ, డైరెక్టర్ శశి కాంబినేషన్‌లో వచ్చిన సినిమా ‘వంద దేవుళ్లు’. (తమిళంలో ‘నూరు సామి’ గా రిలీజైంది). జూన్ 19న ప్రేక్షకుల ముందుకు వచ్చిన ఈ సినిమా డీసెంట్ హిట్ గా నిలిచింది. కమర్షియల్ గా వసూళ్లు సాధించకపోయినా కంటెంట్ పరంగా విమర్శకుల ప్రశంసలు అందుకుంది. విజయ్ ఆంటోని ఫిల్మ్ కార్పొరేషన్, సర్వంత రామ్ క్రియేషన్స్ బ్యానర్స్‌పై విజయ్ ఆంటోని, రామాంజనేయులు జువ్వాజి సంయుక్తంగా ఈ సినిమాను నిర్మించారు. విజయ్ ఆంటోనితో పాటు శ్వాసిక, అజయ్ దిషాన్, లిజోమోల్ జోసే, శక్తి, కావ్య అనిల్, కరుణాస్ తదితరులు ప్రధాన పాత్రలు పోషించారు. థియేటర్లలో ఓ మోస్తరుగా ఆడిన వంద దేవుళ్లు సినిమా ఇప్పుడు ఓటీటీలోకి రానుంది. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ జీ 5 సొంతం చేసుకుంది. జులై చివరి వారంలో కానీ ఆగస్ట్ మొదటి వారంలో కానీ ఈ సినిమా స్ట్రీమింగ్ అయ్యే ఛాన్స్ ఉంది. త్వరలోనే అఫీషియల్ రిలీజ్ డేట్ అనౌన్స్ చేయనున్నారు.

ఇవి కూడా చదవండి

మహారాణి గెటప్‌లో జబర్దస్త్ నటి.. ఫొటోస్ వైరల్.. గుర్తు పట్టారా?

Bigg Boss Telugu 10: అప్పుడేమో ప్రియుడు.. ఇప్పుడేమో ప్రియురాలు

నందమూరి మోక్షజ్ఞ ఎంట్రీ! రంగంలోకి సెన్సేషనల్ డైరెక్టర్

OTTలో రీసెంట్ సూపర్ హిట్.. పక్కన కర్చీఫులు పెట్టుకోవాల్సిందే

అప్పుడెప్పుడో తెలుగులో మా నాన్నకు పెళ్లి అనే సినిమా వచ్చింది.. అందులో శ్రీకాంత్ తన తండ్రి కృష్ణంరాజుకు మరో పెళ్లి చేస్తాడు. ఈ సినిమా కథ కూడా అంతే.. ‘తోడు లేని తల్లికి మళ్లీ పెళ్లి చేస్తే తప్పేంటి’ అనే ఎమోషనల్ పాయింట్ చుట్టూ ఈ సినిమా కథ తిరుగుతుంది. వాసవి (శ్వాసిక)కి 26 ఏళ్లు ఉన్నపుడే భర్త చనిపోతాడు. తన ఇద్దరు కొడుకులను ఒంటరిగా పెంచి పోషిస్తుంది. అయితే ఒంటరి మహిళ కావడంతో ఉళ్లో ఉన్న కొందరూ వాసవితో తప్పుగా ప్రవర్తిస్తుంటారు. దీంతో పిల్లల కోసం ఎన్నో త్యాగాలు చేసిన వాసవి, జీవితంలో తను కూడా మళ్లీ ఇంకో దశ మొదలుపెట్టాలనుకుంటుంది. మళ్లీ పెళ్లి చేసుకోవాలని అనుకుంటుంది. కానీ వాసవి పెద్ద కుమారుడు దీన్ని తీవ్రంగా వ్యతిరేకిస్తాడు. అలాంటి సమయంలో వాసవి జీవితంలోకి ఏడుకొండలు (విజయ్ ఆంటోనీ) వస్తాడు. ఆ తర్వాత ఏం జరిగిందన్నదే వంద దేవుళ్లు సినిమా కథ.

#VandaDevullu Sattelite rights acquired by #ZeeTelugu and Digital rights acquired by #Zee5#Noorusami #VijayAntony #Sasi. #Swasika pic.twitter.com/3dTZT51Jij

— Television & Tollywood Updates (@TTUpdates360) July 11, 2026

మరిన్ని సినిమా వార్తల కోసం ఇక్కడ క్లిక్ చేయండి