OTT Movie: చేతబడి వికటిస్తే.. మూడు ఓటీటీల్లోకి వచ్చేసిన సూపర్ హిట్ హారర్ థ్రిల్లర్.. ఒళ్లు గగుర్పొడిచే సీన్స్

ఎప్పటిలాగే ఈ వారం కూడా ఓటీటీల్లో పలు కొత్త సినిమాలు, వెబ్ సిరీస్ లు స్ట్రీమింగ్ కు రానున్నాయి. ఇప్పటికే లావణ్య త్రిపాఠి సతీలీలావతి, పైసావాలా వంటి సినిమాలు ఓటీటీలో సందడి చేస్తున్నాయి. వీటితో పాటు సోనాక్షి సిన్హా, జ్యోతిక నటించిన కోర్ట్ రూమ్ థ్రిల్లర్‌, మలయాళ హిట్ సినిమా మధు విదు వంటి ఇంట్రెస్టింగ్ సినిమాలు ఓటీటీల్లోకి రానున్నాయి. అయితే వీటి కంటే ముందు ఓ హారర్ థ్రిల్లర్ సినిమా డిజిటల్ స్ట్రీమింగ్ కు వచ్చేసింది. ఒకటి కాదు రెండు కాదు ఏకంగా మూడు ఓటీటీల్లో ఓ హారర్ థ్రిల్లర్ సినిమా సందడి చేస్తోంది. క్షుద్ర పూజలు, దుష్టశక్తులు, ఆధ్యాత్మిక భయం నేపథ్యంలో తెరకెక్కిన ఈ సినిమా కొన్ని రోజుల క్రితమే థియేటర్లలో విడుదలైంది. ఆడియెన్స్ ను బాగా భయపెట్టింది. అలాగే బాక్సాఫీస్ వద్ద భారీ వసూళ్లను రాబట్టింది. సినిమా కథ విషయానికి వస్తే.. క్షుద్రపూజలు, దుష్ట శక్తులు బ్యాక్ డ్రాప్‌ నేపథ్యంలో ఈ సినిమా సాగుతుంది. దుష్టశక్తులను నిద్ర లేపే క్షుద్రపూజలు, చేతబడులు వికటిస్తే ఎలాంటి పరిణామాలు సాగుతాయి అన్నది ఈ సినిమాలో మెయిన్ పాయింట్. రెండు వేర్వేరు టైమ్ లైన్స్‌లో ఆసక్తికరంగా ఈ సినిమా సాగుతుంది.

ఈస్ట్ ఇండియా కంపెనీ కాలంలో అస్తినాపురం అనే ఒక గ్రామంలో చేసే క్షుద్రపూజలు వికటించి ఓ దుష్టశక్తి బయటకు వస్తుంది. ఇది తర తరాల పాటు ఆ గ్రామాన్ని పట్టి పీడిస్తుంటుంది. ప్రస్తుతం కాలంలో మార్సెలిన్ (మోనా బెడ్రే)ను, ఆమె కుటుంబాన్ని ఆ దుష్టశక్తి వెంటాడుతుంది. దీని వల్ల మార్సెలిన్ వింతగా ప్రవర్తిస్తుంటుంది. చివరకు ఆమె పిల్లల ప్రాణాలకు కూడా ముప్పు ఏర్పడుతుంది. మరి ఆ దుష్ట శక్తి నుంచి ఆమె తన బిడ్డలను ఎలా కాపాడుకుందన్నది తెలుసుకోవాలంటే ఈ సినిమా చూడాల్సిందే..

ఇవి కూడా చదవండి

సోషల్ మీడియా స్టార్ కుర్చీతాత హఠాన్మరణం.. ఏం జరిగిందంటే?

మహానటి సావిత్రికి మద్యం అలవాటు చేసింది ఆ నటుడేనని తెలుసా?

చేతబడితో ఊరిలో వరుస మరణాలు.. OTTలో మతిపోగొట్టే హారర్ థ్రిల్లర్

చదువుల తల్లిని సత్కరించిన మెగాస్టార్ చిరంజీవి.. వీడియో ఇదిగో..

ఆద్యంతం ఆసక్తికరంగా థ్రిల్లింగ్ ఎలిమెంట్స్ తో సాగే ఈ మూవీ పేరు ‘సతన్ : ది డార్క్’. సతన్ అంటే సైతాన్ అని అర్థం. మణికందన్ తెరకెక్కించిన ఈ హారర్ థ్రిల్లర్ లో ఐరా పాలక్, చాందిని తమిళరసన్, మోనా బెడ్రే, శ్రీజ రవి కీలకపాత్రలు పోషించారు. ప్రస్తుతం సతన్ ది డార్క్ సినిమా ప్రముఖ ఓటీటీ ప్లాట్ ఫామ్స్ అమెజాన్ ప్రైమ్ వీడియోతో పాటు ఆహా తమిళ్, టెన్ కొట్టే లలో స్ట్రీమింగ్ అవుతోంది.

మూడు ఓటీటీల్లో స్ట్రీమింగ్..

#SatantheDark is STREAMING NOW on @PrimeVideoIN @ahatamil & @tentkotta 👿

Step into the terrifying world of Satans 👁️

Release by @creativeEnt4 of @dhananjayang 🌟@EpsPictures #VREdward #FJ #Chandini #MonaBedre #ManikandanRamalingam @ProSrivenkatesh @digitallynow pic.twitter.com/Y68dExjkD4

— Balaji (@RDBalaji) May 20, 2026

మరిన్ని సినిమా వార్తల కోసం ఇక్కడ క్లిక్ చేయండి.