Cinema OTT : ఓటీటీలో 400 కోట్ల సినిమా ప్రభంజనం.. వారంలోనే మిలియన్ వ్యూస్‏తో టాప్ ట్రెండింగ్..

ఇటీవల బాక్సాఫీస్ వద్ద ప్రభంజనం సృష్టించిన సినిమా పెద్ది. మెగా పవర్ స్టార్ రామ్ చరణ్ హీరోగా ఉప్పెన ఫేమ్ డైరెక్టర్ బుచ్చిబాబు సన దర్శకత్వంలో తెరకెక్కించిన ఈ సినిమాకు ఊహించని రెస్పాన్స్ వచ్చింది. జూన్ 4న థియేటర్లలో విడుదలైన ఈ సినిమా కలెక్షన్ల వర్షం కురిపించింది. ప్రపంచవ్యాప్తంగా రూ.400 కోట్లకు పైగా వసూళ్లు రాబట్టింది. ఇందులో చరణ్ యాక్టింగ్, మెకోవర్ చూసి విమర్శకులు సైతం ఫిదా అయ్యారు. అలాగే బుచ్చిబాబు మేకింగ్ పై ప్రశంసలు వచ్చాయి. అయితే ఇందులో చరణ్ సరసన బాలీవుడ్ బ్యూటీ జాన్వీ కపూర్ నటించగా.. కన్నడ నటుడు శివరాజ్ కుమార్, జగపతి బాబు కీలకపాత్రలు పోషించారు. ఇదిలా ఉంటే.. ఇన్నాళ్లు థియేటర్లలో అలరించిన ఈ సినిమా ప్రస్తుతం ఓటీటీలో స్ట్రీమింగ్ అవుతున్న సంగతి తెలిసిందే.

ప్రస్తుతం ఈ మూవీ ప్రముఖ ఓటీటీ ప్లాట్ ఫామ్ నెట్ ఫ్లిక్స్ వేదికాగ స్ట్రీమింగ్ అవుతుంది. కేవలం దక్షిణాది భాషలలో మాత్రమే ఈ మూవీ అందుబాటులో ఉంది. అయితే అటు థియేటర్లలో కలెక్షన్ల వర్షం కురిపించిన ఈ మూవీ ఇప్పుడు ఓటీటీలోనూ దూసుకుపోతుంది. విడుదలైన వారం రోజుల్లోనే 1.9 మిలియన్ కు పైగా వ్యూస్ అందుకుని టాప్ ట్రెండింగ్ లో నిలిచింది. దీంతో ఇప్పుడు మెగా ఫ్యాన్స్ పండగ చేసుకుంటున్నారు.

పెద్ది కథ విషయానికి వస్తే..

విజయనగరం జిల్లా సమీపంలోని, కొండల మధ్య ఉండే ఒక మారుమూల గిరిజన గ్రామానికి కనీస గుర్తింపు ఉండదు. ప్రభుత్వ రికార్డుల్లో కూడా లేని ఆ ఊరి ప్రజలు తీవ్ర వివక్షను ఎదుర్కొంటూ ఉంటారు. ఆ ఊరిని ఎలాగైనా రికార్డుల్లోకి తెచ్చి, అభివృద్ధి చేయాలనేది ఆ ఊరి పెద్ద అప్పలసూరి (జగపతిబాబు) ఆశయం. అదే ఊరిలో బెల్లం ఫ్యాక్టరీలో కూలీగా పనిచేసే పెద్ది (రామ్ చరణ్) కి క్రికెట్ లో అద్భుతమైన టాలెంట్ ఉంటుంది. తన ఊరి ఆత్మగౌరవం కోసం, దానికి ఒక గుర్తింపు తీసుకురావడం కోసం పెద్ది తన ఆటను ఎలా ఆయుధంగా వాడుకున్నాడు? క్రికెట్ నుంచి ‘కుస్తీ’ వైపు ఎందుకు అడుగులు వేశాడు? ఒక మారుమూల గ్రామం నుంచి జాతీయ స్థాయి క్రీడాకారుడిగా ఎలా ఎదిగాడు? అనేదే ఈ సినిమా కథ.

ఎక్కువ మంది చదివినవి : Vikram Chiyaan : ఆ హీరోయిన్ దేవత.. చాలా మిస్ అవుతున్నాను.. హీరో విక్రమ్ కామెంట్స్..