OTT Movie: నెల తిరక్కుండానే.. సడెన్గా ఓటీటీలోకి వచ్చేసిన తెలుగు సినిమా.. IMDBలో 7.1 రేటింగ్
ఏప్రిల్ 17న థియేటర్లలో విడుదలైన ఈ సినిమా పెద్దగా ఆడలేదు. దీనికి తోడు మూవీ యూనిట్ పెద్దగా ప్రమోషన్లు చేయకపోవడంతో త్వరగానే థియేటర్లలో నుంచి వెళ్లిపోయింది. అయితే ఇప్పుడీ సినిమా సడెన్ గా ఓటీటీ స్ట్రీమింగ్ కు వచ్చింది. అది కూడా ఎలాంటి ముందస్తు ప్రకటన లేకుండానే.
Updated on: May 15, 2026 | 11:07 AM
ఎప్పటిలాగే ఈ వారం కూడా థియేటర్లతో పాటు ఓటీటీలోనూ కొత్త సినిమాల సందడి మొదలైంది. ఇప్పటికే ధురంధర్ ది రివేంజ్, తిమ్మరాజుపల్లి టీవీ, కాళిదాసు 2, కర్తవ్య వంటి ఇంట్రెస్టింగ్ సినిమాలు వివిధ ఓటీటీ ప్లాట్ ఫామ్స్ పై సందడి చేస్తున్నాయి. అయితే శుక్రవారం (మే 15) అర్ధరాత్రి నుంచే మరో కొత్త సినిమా ఓటీటీ స్ట్రీమింగ్ కు వచ్చేసింది. గత నెలలలోనే థియేటర్లలో విడుదలైన ఈ మూవీ నెల తిరక్కుండానే డిజిటల్ స్ట్రీమింగ్ కు వచ్చేసింది. అది కూడా ఎలాంటి ముందస్తు ప్రకటన లేకుండానే. ఆ సినిమా మరేదో కాదు యంగ్ అండ్ ట్యాలెంటెడ్ హీరో నాగశౌర్య నటించిన బ్యాడ్ బాయ్ కార్తీక్. 2023లో ‘రంగబలి’ తర్వాత చాలా గ్యాప్ తీసుకుని మరీ ఈ సినిమా చేశాడు శౌర్య. ఏప్రిల్ 17న థియేటర్లలో విడుదలైన ఈ సినిమా ఆడియెన్స్ ను పెద్దగా ఆకట్టుకోలేదు. పెద్దగా కలెక్షన్లు కూడా రాబట్టుకోలేదు. మూవీ యూనిట్ కూడా ప్రమోషన్లు చేయకపోవడంతో బ్యాడ్ బాయ్ కార్తీక్ త్వరగానే థియేటర్లలో నుంచి వెళ్లిపోయింది. ఇప్పుడీ సినిమా సడెన్ గా ఓటీటీలోకి వచ్చేసింది.
బ్యాడ్ బాయ్ కార్తీక్ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది. ఈ నేపథ్యంలో శుక్రవారం అర్ధరాత్రి నుంచే ఈ సినిమా సడెన్ గా స్ట్రీమింగ్ కు వచ్చేసింది. రామ్ దేశినా (రమేష్) తెరకెక్కించిన ఈ సినిమాలో విధి యాదవ్ హీరోయిన్ గా నటించింది. ఈశ్వర్ ఫేమ్ శ్రీదేవి, సముద్రఖని, నరేష్, సాయికుమార్, వెన్నెల కిశోర్ తదితరులు ప్రధాన పాత్రలు పోషించారు. వైష్ణవి ఫిల్మ్స్ బ్యానర్పై శ్రీనివాసరావు చింతలపూడి ఈ సినిమాను నిర్మించారు. ఈ సినిమా కథ విషయానికి వస్తే.. దూకుడు స్వభావం కలిగిన కార్తీక్ అనే యువకుడి చుట్టూ తిరుగుతుంది. ఇందులో నాగశౌర్యకు అక్కగా శ్రీదేవి నటించింది. అక్క కోసం తమ్ముడు చేసే పోరాటం చుట్టూ ఈ మూవీ సాగుతుంది. మరి థియేటర్లలో ఏ మాత్రం ఆకట్టుకోని బ్యాడ్ బాయ్ కార్తీక్ ఓటీటీలో ఏ మేర అలరిస్తాడో చూడాలి.
అమెజాన్ ప్రైమ్ వీడియోలో నాగ శౌర్య రీసెంట్ మూవీ..
#TMSRUpdates #TMSRUOTTUpdates 📱#BadBoyKarthik Now Streaming On @PrimeVideoIN@IamNagashaurya @Viidhi28_ @vennelakishore @thondankani @Jharrisjayaraj @Sri4279 @DrChintalapudi @vaishnavifilms_ @zeestudiossouth @girishjohar @IamDivyaVijay @TSeries @AnnapurnaStdios pic.twitter.com/7fiY45JtGh
— TMSRUpdates ❁ (@TMSRUpdates) May 15, 2026
మరిన్ని సినిమా వార్తల కోసం ఇక్కడ క్లిక్ చేయండి.
