AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

12 ఏళ్ల ప్రయాణానికి గుడ్‌బై చెప్పేసిన TVS.. 110cc విభాగంలో ఆ రెండు మోడళ్లు ఇక కనిపించవా?

ప్రముఖ ద్విచక్ర వాహన తయారీ సంస్థ TVS Motor తన పాపులర్ కమ్యూటర్ బైక్ Star City Plus విక్రయాలను నిలిపివేసినట్లు సమాచారం. 2014లో భారత మార్కెట్లోకి అడుగుపెట్టిన ఈ 110cc బైక్ దాదాపు 12 ఏళ్ల పాటు వినియోగదారులకు అందుబాటులో ఉంది. తక్కువ ధర, రోజువారీ ప్రయాణాలకు అనువైన పనితీరుతో మధ్యతరగతి వినియోగదారులను ఆకట్టుకున్న ఈ మోడల్ ఇప్పుడు మార్కెట్ నుంచి కనుమరుగైనట్లు తెలుస్తోంది. అయితే దీనిపై కంపెనీ నుంచి అధికారిక ప్రకటన రావాల్సి ఉంది.

12 ఏళ్ల ప్రయాణానికి గుడ్‌బై చెప్పేసిన TVS.. 110cc విభాగంలో ఆ రెండు మోడళ్లు ఇక కనిపించవా?
Tvs Star City Plus
Nikhil
|

Updated on: Nov 20, 2026 | 6:40 AM

Share

ఒకప్పుడు 110cc విభాగంలో మంచి గుర్తింపు తెచ్చుకున్న Star City Plus స్థానంలో ఇప్పుడు TVS నుంచి Radeon, Sport మోడళ్లు మాత్రమే కొనసాగనున్నాయి. ఈ బైక్‌కు మార్కెట్లో పోటీ పెరగడం, కొత్త అప్‌డేట్లు లేకపోవడం వంటి కారణాలతో కంపెనీ ఈ నిర్ణయం తీసుకుని ఉండవచ్చని ఆటోమొబైల్ వర్గాలు భావిస్తున్నాయి.

రోజువారీ ప్రయాణాలకు అనువుగా..

TVS Star City Plusలో 109.7cc సింగిల్ సిలిండర్, ఎయిర్ కూల్డ్ ఇంజిన్ ఉండేది. ఇది 7,350rpm వద్ద 8.2hp పవర్, 4,500rpm వద్ద 8.7Nm టార్క్ ఉత్పత్తి చేసేది. నాలుగు స్పీడ్ గేర్‌బాక్స్‌తో వచ్చిన ఈ బైక్ సాధారణ ప్రయాణాలకు అనువుగా ఉండేది. డ్రమ్, డిస్క్ అనే రెండు వేరియంట్లలో అందుబాటులో ఉండేది. LED హెడ్‌ల్యాంప్, మొబైల్ ఛార్జింగ్ కోసం USB పోర్ట్, సెమీ డిజిటల్ ఇన్‌స్ట్రుమెంట్ క్లస్టర్ వంటి ఫీచర్లు కూడా ఇందులో ఉన్నాయి. వెనుకవైపు ఐదు స్థాయిల్లో సర్దుబాటు చేసుకునే ప్రీలోడ్ షాక్ అబ్జార్బర్‌ను అందించారు.

ఐదేళ్లుగా అప్‌డేట్ లేదు..

Star City Plusకు చివరిసారిగా ఐదేళ్ల క్రితం అప్‌డేట్ లభించింది. అప్పట్లో BS6 ఉద్గార నిబంధనలకు అనుగుణంగా ఇంజిన్‌లో మార్పులు చేశారు. ఆ తర్వాత డిజైన్, ఫీచర్ల పరంగా పెద్దగా కొత్త మార్పులు రాలేదు. ఇదే సమయంలో TVS Radeon మోడల్‌కు మార్కెట్లో మంచి ఆదరణ లభించింది. దీంతో Star City Plusపై డిమాండ్ తగ్గి ఉండవచ్చని అంచనా. ఈ నేపథ్యంలో కంపెనీ ఈ మోడల్ విక్రయాలను నిలిపివేసినట్లు తెలుస్తోంది. అయితే అధికారిక ధ్రువీకరణ వచ్చే వరకు ఈ విషయాన్ని సమాచారంగానే పరిగణించాలి.

Follow Us