Hunt: యాక్షన్ థ్రిల్లర్‌ ‘హంట్’ ఓటీటీ రిలీజ్ ఫిక్స్.. ఎప్పుడు..? ఎక్కడంటే..?

నైట్రో స్టార్ సుధీర్ బాబు హీరోగా తెరకెక్కిన హంట్ మూవీ ఇటీవల ప్రేక్షకులను పలకరించింది. అయితే ఈ మూవీకి మిక్స్డ్  టాక్ రావడంతో.. బాక్సాఫీస్ వద్ద పెద్దగా కలెక్షన్స్ రాబట్టలేకపోయింది. తాజాగా ఈ మూవీ ఓటీటీ రిలీజ్ డేట్ ఫిక్స్ అయ్యింది. అచ్చ తెలుగు ఓటీటీ ఆహాలో  ఫిబ్రవరి 10 నుంచి ఈ సినిమా స్ట్రీమింగ్ అవ్వనుంది. ఈ విషయాన్ని ఆహా అఫీషియల్‌గా ప్రకటించింది.  అంటే శుక్రవారం ఎంటరయ్యాక మిడ్ నైట్ 12 గంటల తరవాత ‘ఆహా’లో ‘హంట్’ చూసెయ్యొచ్చు.

‘ప్రేమిస్తే’ ఫేమ్ భరత్, హీరో శ్రీకాంత్ ఈ మూవీలో కీ రోల్స్ చేశారు. భవ్య క్రియేషన్స్ బ్యానర్‌పై వి.ఆనంద ప్రసాద్ సినిమాను నిర్మించిన ఈ చిత్రాన్ని మహేష్ డైరెక్ట్ చేశాడు. ‘ముంబై పోలీస్’కు రీమేక్‌గా వచ్చిన ‘హంట్’ మూవీ రిపబ్లిక్ డే సందర్భంగా జనవరి 26న థియేట్రికల్ రిలీజ్ అయ్యింది. ఈ సినిమాకు ప్రమోషన్స్ కూడా మంచిగానే చేశారు. సుధీర్ బాబు సైతం తన కెరీర్‌లో ఇదొక మంచి మూవీ అవుతుందని ఆశించారు. కానీ, ఫలితం రివ్సరయ్యింది. అందుకే థియేటర్లలో విడుదలయిన  15 రోజులకే ఓటీటీలోకి వచ్చేస్తోంది.

Get ready for the action-packed #HuntTheMovie thriller movie releasing on Feb 10 on aha.#HuntTheMovieOnAHA Premieres Feb 10@isudheerbabu @_apsara_rani @actorsrikanth @bharathhere @Imaheshh #Anandaprasad @BhavyaCreations @GhibranOfficial @anneravi @adityamusic pic.twitter.com/qGghi97ip0

— ahavideoin (@ahavideoIN) February 9, 2023

మంజులా ఘట్టమనేని, చిత్రా శుక్ల, సుపూర్ణ మల్కర్, మైమ్ గోపి, మౌనికా రెడ్డి, గోపరాజు రమణ, కబీర్ దుహన్ సింగ్  ‘జెమినీ’ సురేష్, అభిజీత్ పూండ్ల, కోటేష్ మన్నవ తదితరులు ఈ మూవీలో నటించారు. అరుల్ విన్సెంట్ సినిమాటోగ్రాఫర్ కాగా వివేక్ అన్నామలై ఆర్ట్ డైరెక్టర్. హాలీవుడ్ సినిమాలకు పనిచేసిన యాక్షన్ కొరియోగ్రాఫర్లు రేనాడ్ ఫవెరో, బ్రయాన్ విజియర్.. ‘హంట్’ లో స్టంట్స్ కంపోజ్ చేయడం విశేషం. యాక్షన్ సినిమాలను ఇష్టపడే వారికి  హై-వోల్టేజ్ యాక్షన్ థ్రిల్లర్‌ బాగానే నచ్చుతుంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.