AHA OTT: ఈ వీకెండ్‌ ‘ఆహా’తో చిల్‌ అవ్వండి.. ఒకే రోజు 15 సినిమాలు. ‘లైఫ్‌లో ఎంటర్టైన్మెంట్ ఉండాలి కదండి’.
AHA OTT: తొలి తెలుగు ఓటీటీ ప్లాట్‌ ఫాం 'ఆహా' దూసుకుపోతోంది. సరికొత్త వెబ్ సిరీస్‌, సినిమాలతో తెలుగు ప్రేక్షకులను ఆట్రాక్ట్‌ చేస్తోంది. ఈ క్రమంలోనే డిజిటల్‌ ప్రేక్షకులను ఆకట్టుకునే క్రమంలోనే ఈ వీకెండ్‌ను సినిమాలతో మరింత ఆహ్లాదంగా మార్చేందుకు 'ఆహా' ప్లాన్ చేసింది..
Updated on: Jul 02, 2021 | 8:24 AM
AHA OTT: తొలి తెలుగు ఓటీటీ ప్లాట్‌ ఫాం ‘ఆహా’ దూసుకుపోతోంది. సరికొత్త వెబ్ సిరీస్‌, సినిమాలతో తెలుగు ప్రేక్షకులను ఆట్రాక్ట్‌ చేస్తోంది. ఈ క్రమంలోనే డిజిటల్‌ ప్రేక్షకులను ఆకట్టుకునే క్రమంలోనే ఈ వీకెండ్‌ను సినిమాలతో మరింత ఆహ్లాదంగా మార్చేందుకు ‘ఆహా’ ప్లాన్ చేసింది. వీకెండ్‌, అందులోనూ వర్షం పడుతోంది ఇంట్లో ఎంచక్కా సినిమా చూస్తూ.. వేడి వేడి పాప్‌ కార్న్‌ తిలంటే భలే ఉంటుంది కదూ.! అందుకోసమే ‘ఆహా’ ఏకే రోజు ఏకంగా 15 సినిమాలను విడుదల చేస్తోంది. ఇందులో ఇటీవలి కాలంలో విడుదలైన చిత్రాలతో పాటు టాలీవుడ్ క్లాసిక్ మూవీల్లో స్థానం సంపాదించుకున్న పాత సినిమాలు కూడా ఉన్నాయి. 15 సినిమాల్లో భాగంగా యుద్ధం శరణం, అందాల రాక్షసి, దిక్కులు చూడకు రామయ్య, ఊహలు గుసగుసలాడే, ఈగ, బంగారు బుల్లోడు, భైరవ ద్వీపం, చిరు నవ్వుతో, ఘటోత్కచుడు, కొబ్బరి బొండం, రాజేంద్రుడు గజేంద్రుడు, వినోదం, వేటుగాడు, లీసా సినిమాలు సందడి చేయనున్నాయి. ఈ విషయాన్ని ప్రేక్షకులకు తెలియజేస్తూ ‘ఆహా’ ఓ ట్వీట్ చేసింది. ‘ఈ శుక్రవారం మీకు పదిహేను సినిమాలు ఇస్తున్నాం. లైఫ్‌లో ఎంటర్టైన్మెంట్ ఉండాలి కదా అండి’ అంటూ ట్వీట్ చేశారు. ఇదిలా ఉంటే ఆహా కేవలం సినిమాలకే పరిమితం కాకుండా వెబ్ సిరీస్‌లపై కూడా దృష్టి సారించింది. ఈ క్రమంలో అమెజాన్, నెట్‌ఫ్లిక్స్‌లకు పోటీగా ఒరిజినల్‌ కంటెంట్‌ను రూపొందిస్తోంది. ఈ క్రమంలోనే మారుతి, క్రిష్‌, వంశీ పైడిపల్లి, నందిని రెడ్డి వంటి ట్యాలెంటెడ్‌ డైరెక్టర్స్‌తో ఆహా వెబ్ సిరీస్‌లకు ప్లాన్ చేస్తోంది.
Ee sukruvaaram, meeku padihenu cinemalu isthunnam. Life lo entertainment undaali kada andi?
Subscribe to aha▶️ https://t.co/yiFT8xGrvl pic.twitter.com/CEUG4Cci8O
— ahavideoIN (@ahavideoIN) July 1, 2021
Also Read: Tollywood Drugs Case: టాలీవుడ్ డ్రగ్స్ కేసులో 11 మంది సినీ ప్రముఖులకు ఊరట..
