King of Kotha OTT: ఓటీటీలోకి దుల్కర్ సల్మాన్ ‘కింగ్ ఆఫ్ కొత్త’.. స్ట్రీమింగ్ ఎప్పుడు, ఎక్కడంటే?
మహానటి, సీతారామం సినిమాలతో తెలుగు ప్రేక్షకులకు బాగా చేరువైపోయారు మలయాళ స్టార్ హీరో దుల్కర్ సల్మాన్. అంతకుముందే దుల్కర్ నటించిన పలు సినిమాలు తెలుగులోకి డబ్ అయ్యి అలరించాయి. ఇటీవల అతను నటించిన గన్స్ అండ్ గులాబ్స్ వెబ్ సిరీస్ కూడా సూపర్హిట్గా నిలిచింది. ప్రస్తుతం పాన్ ఇండియా స్థాయిలో సినిమాలు, వెబ్ సిరీస్లు చేస్తూ బిబిబిజీగా ఉంటున్నాడీ హ్యాండ్సమ్ హీరో.
Updated on: Sep 16, 2023 | 7:54 PM
మహానటి, సీతారామం సినిమాలతో తెలుగు ప్రేక్షకులకు బాగా చేరువైపోయారు మలయాళ స్టార్ హీరో దుల్కర్ సల్మాన్. అంతకుముందే దుల్కర్ నటించిన పలు సినిమాలు తెలుగులోకి డబ్ అయ్యి అలరించాయి. ఇటీవల అతను నటించిన గన్స్ అండ్ గులాబ్స్ వెబ్ సిరీస్ కూడా సూపర్హిట్గా నిలిచింది. ప్రస్తుతం పాన్ ఇండియా స్థాయిలో సినిమాలు, వెబ్ సిరీస్లు చేస్తూ బిబిబిజీగా ఉంటున్నాడీ హ్యాండ్సమ్ హీరో. ఇదిలా ఉంటే దుల్కర్ సల్మాన్ నటించిన ఓ రీసెంట్ మూవీ త్వరలోనే ఓటీటీలోకి రానుంది. అభిలాష్ జోషీ దర్శకత్వంలో దుల్కర్ నటించిన సినిమా కింగ్ ఆఫ్ కొత్త. గ్యాంగస్టర్ యాక్షన్ డ్రామాగా తెరకెక్కిన ఈ సినిమాలో ఐశ్వర్య లక్ష్మీ హీరోయిన్గా నటించింది. షబీర్ కల్లరక్కల్, ప్రసన్న, శరణ్ శక్తి, చెంబన్ వినోద్ జోస్, అనికా సురేంద్రన్, నైలా ఉష, శాంతి కృష్ణ తదితరులు ప్రధాన పాత్రలు పోషించారు. . గురు ఫేమ్ రితికా సింగ్ ఓ స్పెషల్ సాంగ్లో సందడి చేసింది. మలయాళంతో పాటు తెలుగు, తమిళ్, హిందీ భాషల్లో పాన్ ఇండియా స్థాయిలో ఆగస్టు 24న ఈ సినిమా విడుదలైంది. అయితే యావరేజ్రిజల్ట్తో సరిపెట్టుకుంది. అయితే ఎప్పటిలాగే దుల్కర్ సల్మాన్ తన నటనతో అదరగొట్టాడు. సినిమాలోని యాక్షన్ సీక్వెన్స్ కూడా బాగున్నాయని టాక్ వచ్చింది. థియేటర్లలో ఓ మోస్తరుగా ఆడిన కింగ్ ఆఫ్ కొత్త ఇప్పుడు డిజిటల్ స్ట్రీమింగ్కు రానుంది. ప్రముఖ ఓటీటీ ప్లాట్ఫామ్ డిస్నీప్లస్హాట్ స్టార్ దుల్కర్ సల్మాన్ సినిమా డిజిటల్ స్ట్రీమింగ్ హక్కులను సొంతం చేసుకుంది. సెప్టెంబర్ 22 నుంచి ఈ గ్యాంగ్ స్టర్ యాక్షన్ మూవీ ఓటీటీలోకి అందుబాటులోకి రానుందని తెలుస్తోంది. త్వరలోనే దీనిపై ఓ అధికారిక ప్రకటన వెలువడనుందట.
ఫారెర్ ఫిల్మ్స్ బ్యానర్పై జీస్టూడియోస్తో కలిసి దుల్కర్ సల్మాన్ స్వయంగా కింగ్ ఆఫ్ కొత్త సినిమాను నిర్మించారు. జేక్స్ బెజోయ్ స్వరాలు సమకూర్చారు. ఈ సినిమాలో గ్యాంగస్టర్ రాజు అనే పాత్రలో దుల్కర్ నటించాడు. ఊర మాస్ గ్యాంగ్స్టర్గా అతని లుక్, నటన అదిరిపోయాయి. యాక్షన్తో పాటు లవ్ స్టోరీ, ఫ్రెండ్షిప్, ఎమోషనల్ డ్రామా.. ఇలా అన్నీ అంశాలు ఈ మూవీలో ఉన్నాయి. మరి థియేటర్లలో కింగ్ ఆఫ్ కొత్త సినిమాను మిస్ అయ్యారా? డోంట్ వర్రీ.. త్వరలోనే ఓటీటీలోకి రానుంది. ఇంట్లోనే చూసి ఎంజాయ్ చేయండి.
దుల్కర్ సల్మాన్ లేటెస్ట్ ఇన్ స్టా గ్రామ్ ఫొటోస్
View this post on Instagram
కింగ్ ఆఫ్ కొత్త ట్రైలర్
మరిన్ని సినిమా వార్తల కోసం ఇక్కడ క్లిక్ చేయండి.
